Мицкоски на Илинден со повик за обединување против власта

Претседателот на ВМРО-ДПМНЕ Христијан Мицкоски денеска на одбележувањето на 2 Август – Денот на Републиката, од Ташмаруништа кај Струга повика на обединување против власта кое, како што посочи, ќе значи и надминување на разликите во опозицијата. Мицкоски рече дека на една маса мора да седнат сите на кои Македонија им е важна.

„Тука од Ташмаруништа на ден Илинден испраќам порака на обединување на нешто што е многу повеќе од коалиција за власт, туку обединување на блок составен од обесправени, жедни за правда и добар живот против власта која ги краде нашите животи и ја одзема иднината. Илинден обедини генерации Македонци за слобода. Испраќам апел за обединување против Заев и рушење на најлошата власт досега“, рече Мискоски.

Тој додаде точката на обединувањето е за да дадат отпор кон власта и, како што рече, да ја кренат урнисаната држава на нозе.

„Традиционална“ прослава на Илинден со поделби и пораки за обединување

Мицковски ја критикуваше и одлуката на претседателот Стево Пендаровски денеска да не одржи говор на Мечкин Камен во Крушево. Пендаровски денеска објави кратко видео, бидејќи како што рече, атмосфера која е проследена со навреди повеќе разединува, отколку што обединува.

Мицкоски рече дека смета оти Пендаровски нема да одржи говор на Мечкин Камен поради стравот од народот „кој ќе им каже што мисли за нивното владеење“, наведе Мицкоски.

Илинден 2021- Џафери во Скопје, Заев во Пелинце, Пендаровски во Крушево

Петседателот на ВМРО-ДПМНЕ беше поканет од претседателот да присуствува на прославата во Крушево, но тој изјави дека заедно со делегацијата на партијата празникот ќе го одбележи во Ташмаруништа кај Струга и дека, на станот на Мечкин Камен го нарече „циркуски церемонијал“. 

Пендаровски на ваквите изјави реагираше оценувајќи ги како „длабока навреда“ и велејки дека жали за одбивањето на поканата која била негов „искрен обид“ за надминување на политичките разлики браем за Илинден.