Спасовски: досега приведени 17 лица за подметнување пожари
Досега се приведени 17 лица, а на разговор во станица повикани се уште 16 други за подметнување пожари. Веќе се поднесени три кривични и две прекршочни пријави, напиша попладнево министерот за внатрешни работи Оливер Спасовски на социјалната мрежа Фејсбук.
Во статусот, Спасовски нагласува дека во координација со јавен обвинител се работи на расчистување на сите случаи.
ЦУК: aктивни пожари во Сарај, Новаци и Кавадарци
Минатата недела во Македонија се јавија пожари на повеќе локации, а најдолго гореше во Малешевијата. Ситуацијата последниве денови е посмирена.
Како што информираа попладнево од Центарот за управување со кризи се уште е активен пожарот кај Сарај, а нови пожари има во општините Новаци и Кавадарци, како и над селото Црвена Вода кон планинскиот дом Китка.