НАТО соопшти дека помага да остане отворен аеродромот во Кабул за евакуација

НАТО го одржува своето дипломатско присуство во Кабул и помага да се одржува отворен аеродромот во градот, соопшти воениот сојуз во неделата кога талибанските бунтовници влегоа во главниот град на Авганистан. „НАТО помага да за да се олесни и координира евакуацијата“, напиша генералниот секретар на НАТО Јенс Столтенберг на Твитер. Столтенберг додава дека разговарал за ситуацијата во Авганистан со британскиот премиер Борис Џонсон и со министрите за надворешни работи на Канада, Данска и Холандија.

Талибанците влегоа во Кабул откако претседателот го напушти Авганистан

Талибанските бунтовници влегоа во Кабул во неделата и рекоа дека очекуваат да ја преземат власта за неколку дена. Претставник на НАТО за Ројтерс изјави дека алијансата го одржува своето дипломатско присуство во Кабул. Службеникот не одговори на прашањата дали НАТО планира да одржи кризен состанок за да разговара за ситуацијата во Авганистан. „НАТО постојано ги оценува случувањата во Авганистан“, рече официјалниот претставник, додавајќи дека безбедноста на персоналот на алијансата е најважна и НАТО ќе продолжи да се прилагодува по потреба. По речиси две децении, НАТО ова лето ги заврши воените операции во Авганистан и ги повлече повеќето војници од земјата.