Филипче- ако се влоши епидемиолошката состојба ќе прекине наставата со физичко присуство
Во гостување на вестите на Канал 5 телевизија министерот рече и дека од 50-тина случаи на новозаразени со Ковид19 на кои е направен скрининг во изминатите денови, две третини отпаѓаат на делта сојот, а една третина на британскиот сој.
Анти ковид мерки - едни се жалат, други ќе протестираат
На прашање, пак, дали доколку продолжи да се зголемува бројот на заболени ќе се размислува за повлекување на одлуката за настава со физичко присуство на учениците, Филипче рече дека покрај исклучоците ученици со хронични болести и деца кои имаат постари членови со хронични болести имало и трета група - деца кои по барање на родителите од немедицински причини може да упатат барање до училиштето и тоа да дозволи да не одат во училиште.
„Родителот има право да побараат за немедицинска причина и врз основа училиштето да даде или не даде согласност. Тоа што е битно е дека во кој било момент ако настане влошување на епидемиолошката состојба, ќе дадеме препорака да се активиираат некои од останатите веќе спремни механизми на спроведување на наставата, дали тоа ќе биде комбинирано или онлајн ќе зависи исклучиво од епидемиолшката слика. Засега, согласно сегашната ситуација, препораката е учениците да почнат со физичко присуство“, додаде Филипче.
Нови 1081 заразен со ковид19, 15 починати
Владата вчера донесе одлука учебната 2021/2022 година да започне со физичко присуство, со полн капацитет, според утврдените и донесени протоколи.