ЦУК- активни се четири пожари
Центарот за управување со кризи (ЦУК) соопшти дека активни се четири пожари во земјава. Како што рече Надица Вчкова од ЦУК активни се пожарите кај селата Раовиќ и Буковиќ во општина Сарај, на недостапен терен кон сртот на планината Осој, се уште е активен пожарот во атарот на селата Ракле, Никодин и Топлица во општина Прилеп, но засега нема опасност од проширување.
Повторно е активиран пожарот на планината Готен кај село Нивичино, место викано Калинско. Вчкова информираше дека се уште е активен пожарот во селата Куново, Којково и Луково во Кратовско.