Евакуирани лица од Авганистан пристигнаа во Таџикистан и Узбекистан

Четири турски воени авиони со војници евакуирани од операциите на земјата во Авганистан слетаа во Таџикистан, откако соседен Узбекистан денеска пречека стотици авганистански бегалци и ги смести во привремени станови.

Авионот што слета на аеродромот оддалечен 200 километри јужно од Душанбе, превезуваше непознат број војници.

Висок функционер кој за Радио Слободна Европа зборуваше под услов на анонимност, изјави дека турските војници се во транзит и не се очекува да останат долго во земјата.

Изворот рече дека војниците биле членови на Мисијата на НАТО за одлучна поддршка во Авганистан.

Турските власти претходно соопштија дека контингент од 500 војници бил вклучен во невоени мисии во Авганистан.

Влошена безбедносната состојба во Кабул, САД предупредуваат да се избегнува доаѓање на аеродромот

Таџикистан и Узбекистан се меѓу земјите низ чии територии „веќе започнаа или наскоро ќе започнат да транзитираат Американците“, соопшти Стејт департментот на САД на 20 август.

Други транзитни земји се Бахреин, Велика Британија, Данска, Германија, Италија, Казахстан, Кувајт, Катар, Турција и Обединетите Арапски Емирати.

Во Узбекистан денеска беа примени и сместени 400 бегалци, според извор кој разговарал со руската државна новинска агенција ТАСС.

Не е јасно колку Авганистанци преминале во Узбекистан откако талибанските милитанти на 15 август се вратија на власт.

Ташкент негираше дека високи авганистански личности, како етничкиот узбекистански лидер Абдул Рашид Достум, биле во Узбекистан и покрај извештаите дека во земјата се офицери командувани од Достум.

На 20 август Узбекистан соопшти дека испратил 150 авганистански бегалци назад во Авганистан според договор со Талибанците и на барање на самите бегалци.