Бајден ќе се состане со приватниот сектор за сајбер безбедноста

Американскиот претседател Џо Бајден и членовите на неговиот тим за национална безбедност денеска ќе се сретнат со деловни директори во врска со  сајбер -безбедноста. Состанокот доаѓа во момент кога Белата куќа се обидува да им помогне на компаниите да се заштитат од напади со откуп од криминални групи со седиште во Русија и додека администрацијата, исто така, се соочува со агресивна сајбер закана од кинеската влада.

Бајден: сајбер нападите можат да доведат до „вистинска војна“

Средбата ќе се фокусира врз, како што е најавено, „заедничката соработка за колективно подобрување на сајбер -безбедноста на нацијата“. Администрацијата веќе работи со приватниот сектор за да промовира подобра сајбер -безбедност. Таа покрена иницијатива насочена кон подобрување на стандардите за критичните сектори како електричната енергија, и работеше со Мајкрософт по глобалното хакирање откриено на почетокот на оваа година што погоди десетици илјади компјутерски системи.

Кина обвинета за сајбер нападите на Мајкрософт

Бајден му порача на рускиот претседател Владимир Путин претходно дека мора да стори повеќе за да ги спречи нападите со откуп што потекнуваат од Русија.