Германија воспоставува рестрикции за невакцинираните граѓани

Германија денеска воспостави рестрикции за невакцинираните против ковид19 во обид да го прекине драматичниот пораст на дневните инфекции со коронавирусот. Канцеларката во заминување Ангела Меркел и наследникот на нејзината функција Олаф Шолц се договорија со лидерите на 16-те покраини во Германија да им забранат на невакцинираните пристап до сите, освен до најсуштинските бизниси, како што се продавниците за храна, аптеките и пекарниците. Тие, истотака, се согласија во националниот парламент да поминат со кој вакцинацијата ќе стане задолжителна.

„Ситуацијата е многу сериозна“, рече Меркел на прес-конференцијата со Шолц, кој следната недела Бундестагот се очекува да го избере за канцелар.

Светот во трка за сузбивање на „Омикрон“ - новиот вид на коронавирус

Во обид да се избегнат заклучувања кои би можеле да му наштетат на кревкото закрепнување на најголемата европска економија, бизнисот ќе остане отворен за речиси 69 отсто од населението кое е целосно вакцинирано и за оние кои имаат доказ дека прележале ковид19.

Властите стравуваат дека четвртиот бран на ковид19 ќе ги загрози болничките капацитети. Денеска во земјата беа регистирани повеќе од 73.000 нови инфекции и 388 смртни случаи.