Синдикалната кошница во ноември зголемена за 320 денари

Основните трошоци на едно четиричлено семејство во ноември се зголемени за 320 денари во споредба со октомври, објави денеска Сојузот на синдикати на Македонија, кој ја изработува синдикалната минимална кошница.

Замрзнати цени - Празни рафтови или намалени профити за бизнисите

Според пресметките на синдикатот, вредноста на синдикалната кошничка во ноември изнесува 34.893 денари. За храна и пијалоци минимум биле потребни 15.000 денари, а за режиски трошоци 10.914 денари.

„Евидентно е дека минималната синдикална кошница секој месец се зголемува и затоа ССМ постојано апелира минималната плата да изнесува најмалку 18 000,00 ден, а линеарно да се зголемуваат и сите останати плати. Поради се по евидентното зголемување на цените, повеќе од неопходно е дека ни треба зголемување на платите со кои ние како работници без да се грижиме за нашата егзистенција ќе можеме да си ги овозможиме најмалку трошоците во висина на една синдикална потрошувачка кошница“, наведуваат од ССМ.