Началникот на генералштабот на индиската војска загина во хеликоптерска несреќа

Началникот на генералштабот на индиската војска, генерал Бипин Рават и неговата сопруга се меѓу 13-те загинати во денешната хеликоптерска несреќа на југот на Индија, соопштија индиските воздухопловни сили.

„Со длабоко жалење сега е сигурно дека генерал Бипин Рават, госпоѓа Мадхулика Рават и уште 11 лица во леталото загинаа во таа трагична несреќа“, се наведува во објавата на воздухопловните сили на Твитер.

Се урна хеликоптер со началникот на генералштабот на индиската војска

Хеликоптерот во кој се превезувале се урна денеска во јужната индиска држава Тамил Наду, во близина на местото Кунар.

Воздухопловниот капетан Варун Синг ја преживеал несреќата и се наоѓа на лекување во воена болница.

Државната телевизија пренесе дека хеликоптерот Ми-17в5 бил на пад од воздухопловна база до колеџ за припадниците на армијата, кога се урнал.

Причините за несреќата засега не се познати.

Бипин Рават (63) се сметаше за близок соработник на премиерот Нарендра Моди. Тој е прв началник на генералштабот на индиската војска, зашто таа функција владата ја основа во 2019 година.