Седум починати и 168 заразени со ковид-19

Во изминатите 24 часа регистрирани се 168 нови случаи на ковид-19 од направени 1.478 тестирања, соопшти Министерството за здравство.

Најмногу од новите случаи се регистрирани во Скопје – 110, Кавадарци и Кочани – по 9, Гевгелија – 7, Битола – 5, Куманово, Прилеп и Охрид – по 3, Струга, Неготино, Македонски Брод и Дојран – по 2, Тетово, Гостивар, Струмица, Кичево, Свети Николе, Ресен, Берово, Делчево, Виница, Богданци и Демир Хисар – по 1.

Регистрирани сe 275 оздравени пациенти.

Минатата недела намален бројот на новозаразени и на смртни случаи од ковид-19

Во текот на изминатите 24 часа регистрирани се седум починати лица на возраст од 55 до 77 години. Сите пријавени лица се починати во болнички услови.

Вкупната бројка на ковид-дијагностицирани лица во земјава од почетокот на епидемијата изнесува 218.362, бројот на оздравени пациенти е 204.960, на починати е 7.695, а бројот на активни случаи изнесува 5.707.