Антиковид група „уапсила“ директор на средно училиште во Грција

Група на граѓани незаконски привеле директор на грчко средно училиште поради спроведувањето на мерките против ковид-19, јавува новинската агенција МИА. Станува збор за група граѓани кои самите себе си се нарекуваат „заштитници на Уставот“ и јавно се противат на мерките за заштита од ковид-19, против вакцинацијата и генерално го негираат постоењето на пандемијата.

Тие утрово предизвикале инцидент во средно училиште во грчкиот град Егинио, во областа Пиерија, кога „го уапсиле“ директорот и го одвеле во полициска станица.

Грција ја намали важноста на потврдата за прележан ковид-19

Грчките медиуми јавуваат дека полицијата ги привела сторителите.Поради инцидентот 11 мина се во притвор. Тие утрово го пресретнале директорот при  пристигнувањето во училиштето, го нападнале, му ставиле лисици на рацете, насилно го внеле во еден од нивните автомобил и го однеле во полициска станица, со образложение дека го прекршил Уставот со тоа што ги спроведувал мерките за заштита од Ковид-19.

Во Грција од следната недела вакцинација на деца од пет до 11 години

Министерот за цивилна заштита на Грција Такис Теодорикакос го осуди инцидентот и упати предупредување дека „ваков вид однесувања се провокативни и неприфатливи, а полицијата не смее да дозволи нивно повторување“.