Бродовите во Грција ќе останат закотвени до понеделник на полноќ
Дводневниот штрајка на поморската федерација на Грција по новата одлука ќе се продолжи за уште два дена, што значи дека сите категории на бродови ќе останат закотвени на пристаништата во земјата до понеделник на полноќ.
Бродскиот сообраќај требаше од денеска да почне одново да функционира, со оглед на тоа дека стартуваше во петокот со важност од 48-часа. Но со новата одлука на поморската федерација за продолжување, ќе биде во прекин до утре на полноќ.
Од федерацијата ја оставија отворена можноста одново да биде продолжен штрајкот. Тие бараат покачување на платите во колективните работни договори за 2020 и 2021 година и решавање на проблемите во конкретниот сектор. Федерацијата сличен 48-часовен штрајк одржа и минатиот месец.