Британија со 100 милиони долари ја зголемува помошта за Авганистан
Уништена иднина: Жените во Авганистан под Талибанците
До оваа најава дојде по дискусиите меѓу министрите за надворешни работи на Г7, кои се состануваат во Англија, за тоа каква координирана акција може да се преземе во Авганистан и како да се ангажираат со владата предводена од Талибанците.
Со оваа дополнителната финансиска поддршка се зголемува досега планирата помош на 380 милиони и ја покажува посветеноста на Обединетото Кралство за Авганистан.Новите 100 милиони долари ќе бидат искористени за да се обезбеди поддршка за жртвите на родово базирано насилство и да се финансираат основните услуги за заштита на децата.
Трас посочи дека парите нема да одат директно преку Талибанците, кои не се признати од ниту една земја или ОН, туку ќе бидат пренесени преку Хуманитарниот фонд на Авганистан, Светската програма за храна и други организации.
Извршниот директор на Светската програма за храна Дејвид Бисли изјави дека донацијата од дел од парите што ќе ја добие организацијата ќе им помогне да спасат многу животи.
„Она што го гледаме на терен е трогателно - 23 милиони луѓе се соочуваат со силен глад во земја осакатена од суша, конфликти и економска криза. Жените и децата го носат товарот на ова страдање и, како што се спушта суровата зима, секој ден се повеќе се запаѓаат во неухранетост и гладување,“ изјави Бисли.
САД и ЕУ загрижени за убиствата на авганистански безбедносни сили
Претходно шефот за хуманитарна помош на ОН Мартин Грифитс предупреди дека економскиот колапс на Авганистан „се случува пред наши очи“ и ја повика меѓународната заедница да преземе акција за да го запре „слободниот пад“ пред да доведе до повеќе смртни случаи.
Макрон: Можна е заедничка мисија на европските земји во Авганистан
Економската ситуација во Авганистан постојано се влошува откако талибанците ја презедоа власта на 15 август. САД и другите донатори ја прекинаа финансиската помош бидејќи владата поддржана од Западот „падна“ , а американската војска и другите меѓународни сили се повлекоа од земјата на крајот на август.