Војската и полицијата на помош во справувањето со поплавите во Албанија

Се влошува состојбата со поплавите во Албанија. Илјадници хектари земјоделско земјиште се под вода, поплавени се куќи, евакурани цели семејства. На помош во справувањето со последиците од поплавите се армиските и полициски сили, како и медицински екипи со возила за брза помош.

Посебно критична е состјбата по течението на реката Вјоса која е излезена од своето корито во повеќе населени места во Валона и Фиер, каде поради високото ниво на вода не може да се минува преку неколку мостови. 

Мета- Албанските институции повеќе да грижат за заштитата од поплавите и снегот

Во Новосело спасувачките екипи евакураа повеќе семејства, дел од нив неколку часови биле на покривот на поплавените куќи. Надојдената река Сушица поплави куќи, а урна и мост во општина Химара.

„Под вода се повеќе илјади хектари земјоделско земјите. Нема граѓани во опасност, навреме се евакуирани, а во тек се активности за евакуација и на добитокот. Сите расположливи сили се на распогање во заштита на животот на граѓаните и имотот“, изјави  Хаки Чако, директор на дирекцијата за заштита и спасување.

Во повеќе делови од земјата, главно во северниот и источнот дел, поради високата снежна покривка блокирани се неколку населени места, кои се и без елекрична енергија.