Занаетчиите бараат субвенции за минимална плата
Занаетчиите велат дека поради неповолната состојба во економијата не можат да ги зголемат сопствените плати и затоа бараат поддршка преку субвенции. Како самостојни вршители на дејност, микро и малите компании, каде што спаѓа и занаетчиството бараат да се субвенционира разликата на досегашната минимална плата од 3.000 денари.
Претседателот на Занаетчиската комора Агрон Фазлији вели дека работниците бараат покачување на платата и дека Комората во тоа ги поддржува, но смета дека државата треба да помогне, оти занаетчиството трпи огромни последици од пандемијата.
Ангелоски – За минималната плата се фаќаме како давеник за сламка
„Апелирам до Владата да ги сфати сериозно нашите барања, бидејќи државата не може да биде за едни мајка, а за други маќеа, кога може да ги плаќа долговите на јавните претпријатија и други институции, зошто да не може да ја субвенционира и платата на микро, малите (занаетчиите) и самостојните вршители на дејност“, вели Фазлији.