Шекеринска си заминува оти СДСМ не ги научи лекциите

Министерката за одбрана Радмила Шекеринска денеска изјави дека нема да биде дел од новата влада, оти, како што вели, не се согласува со дел од политиките на партиското раководство. Дел од тие политики, според неа, допринеле за поразот на локалните избори. Шекеринска вели дека има впечаток дека не ги научиле лекциите, а дел од пораките на јавноста не ги слушнале или не ги разбрале.

Својата одлука министерка ја соопшти на прес-конференција во Министерството за одбрана.

Ахмети денеска на одвоени средби со Мицкоски и Заев

Се очекува наскоро новиот лидер на СДСМ Димитар Ковачевски да формира нова влада, откако ќе стане и мандатар по повлекувањето на премиерот Зоран Заев. Шекеринска на почетокот на годината се повлече и до партиското раководство. Таа беше заменик претседател на СДСМ.

Заев: одлуката за оставката ќе ја донесам следната недела

Новиот лидер на СДСМ, Димитар Ковачевски беше избран на конгресот во неделата. Тој доаѓа на местото на Зоран Заев кој по поразот на локалните избори најави оставка од лидерската позиција во партијата и од премиерската функција. Се очекува следната недела Заев да замине од премиерското место, а Ковачевски да биде нов мандатар.