Путин „убеден“ во ефективен дијалог меѓу Вашингтон и Москва

Рускиот претседател Владимир Путин изјави дека е „убеден“ дека може да има ефективен дијалог меѓу Вашингтон и Москва пред разговорите со американскиот претседател Џо Бајден. Ова го изјави Путин во услови на зголемени тензии околу трупањето руски војници во близина на границата со Украина и барањата на Кремљ за опсежни безбедносни гаранции од НАТО.

Жириновски: да ја бомбардираме Украина на новогодишната ноќ додека „сите се пијани“

Портпаролката на Советот за национална безбедност на Белата куќа, Емили Хорн, изјави дека двајцата лидери денеска ќе разговараат телефонски „за низа теми, вклучително и претстојните дипломатски ангажмани со Русија“.

Горбачов – САД станаа арогантни по распадот на Советскиот Сојуз

Според празничните пораки на Путин до светските лидери во Кремљ, во видео обраќањето објавено денеска, рускиот претседател посочи дека е убеден дека можат да продолжат напред и да воспостават „ефективен руско-американски дијалог заснован на взаемно почитување и разгледување на секој туѓи национални интереси“.

Најавата за телефонскиот повик на 30 декември доаѓа во период кога американските и руските официјални лица се подготвуваат да се сретнат на 10 јануари во Женева за да разговараат за контролата на оружјето и зголемените тензии околу Украина.

САД и Русија на 10 јануари ќе разговараат за контрола на оружјето и Украина

Путин, кој го иницираше повикот, според Кремљ, го притиска Бајден лично да присуствува на разговорите, иако Белата куќа досега одбиваше таков состанок.

Тој состанок може да биде проследен со одвоени разговори меѓу Русија и НАТО на 12 јануари, додека Русија и Организацијата за безбедност и соработка во Европа (ОБСЕ), во која членуваат САД и нивните европски сојузници, ќе се сретнат на 13 јануари.

Путин ќе размисли за опциите ако Западот не ги исполни безбедносните барања

Бајден претходно разговарал со лидерите ширум Европа, а претставници на администрацијата на Бајден се консултирале и со НАТО, Европската унија и Организацијата за безбедност и соработка во Европа, се вели во соопштението. Разговорите вклучија и консултации со владини претставници во Источна Европа, вклучително и Украина, и во форматот Букурешт девет (Б9). Москва претходно овој месец поднесе нацрт-безбедносни документи со кои, меѓу другото, се бара прекин на проширувањето на НАТО кон исток и воената соработка со земји како Украина и Грузија.

Ова ќе биде втор телефонски разговор меѓу двајцата лидери во декември, при што Бајден претходно овој месец го предупреди својот колега за „тешки последици“ доколку руските трупи ја нападнат Украина.

Бајден денеска ќе разговара со Путин

Од последниот повик меѓу лидерите, Кремљ јавно објави список со барања кои според најавите се очекува да бидат отфрлени од Соединетите Држави и нивните сојузници. Тие вклучуваат повик до НАТО да се обврзе да не прифаќа нови земји-членки кои некогаш биле дел од Советскиот Сојуз, како Украина и Грузија.

Меѓу другите барања, Москва сака НАТО да ги запре воените вежби во близина на нејзините граници и да ги отфрли воените распоредувања во Централна и Источна Европа.