Комунална хигиена и Градски паркинг добија нови в.д. директори

Јавните претпријатија „Комунална хигиена - Скопје и Градски паркинг -Скопје денеска добија нови вршители на должноста директори. За директор на Комунална хигиена е назначен Зуди Енузи Кока од Алијанса за Албанците, а за нов в.д директор на ЈП „Градски Паркинг” – Скопје, од денеска е назначен Филип Пасху, соопштија од Град Скопје.


Како што соопшти Град Скопје, Зуди Енузи Кока е дипломиран правник и докажан менаџер во деловниот свет, кој своите компетенции ќе ги стави во функција на успешно водење на ЈП „Комунална хигиена“- Скопје.



Реваншизам во смената на директорите во град Скопје?


Пасху е магистер по економија, со долгогодишно работно искуство во управување со бројни проекти на УСАИД, ДФИД, ИПА фондовите на Европската Унија, информираат од Град Скопје.


„Има искуство и од позицијата неизвршен директор на АД Енергетика Скопје, заменик директор на ЈП Градски Паркинг, како и претседател на Управниот одбор на истото претпријатие“, велат од Град Скопје.


Од доаѓањето на новата градска власт, градоначалничката Данела Арсовска назначи нови в.д. директори и на: „Дрисла“ – Јане Мицевски; „Лајка“ – Воислав Димитровски; ЈСП – Иван Илиевски; „Улици и патишта“ – Борис Настов; Зоолошката градина Скопје – Кристијан Стаменов; „Паркови и зеленило“ – Ангеле Сотировски.