САД со помош од 55 милиони долари за Авганистан

Американскиот државен секретар Антони Блинкен изјави денеска дека САД

ќе обезбедат речиси 55 милиони долари итна помош за Авганистан како одговор на земјотресот што минатата недела ја погоди земјата.

Најмалку 1.000 луѓе загинаа, повеќе од 3.000 беа повредени и 10.000 домови уништени од земјотресот со јачина од 6,1 степени според Рихтеровата скала што ја погоди областа во близина на границата на земјата со Пакистан на 22 јуни.

„Земјотресот ја засили тековната хуманитарна криза што авганистанскиот народ ја трпи премногу долго“, соопшти Блинкен.

Со овие средства вкупната помош на САД за Авганистан до минатата година кога талибанците ја презедоа контролата врз земјата и по повлекувањето на американските војници изнесува 774 милиони долари.

ОН: Речиси 2.000 куќи уништени во земјотресот во Авганистан

Повлекувањето и прекинувањето на директната помош за Авганистан од страна на Соединетите Американски Држави и другите финансиери од кои зависеше осиромашената нација ги влошија финансиските и хуманитарните кризи кои доведоа до колапс на економијата, а милиони луѓе претрпеа недостиг на храна.