Поранешниот НБА играч Владе Дивац доби црногорски пасош

Познатиот кошаркар и НБА ѕвезда, Владе Дивац доби црногорско државјанство. Црногорскиот пасош му беше врачен лично од техничкиот премиер Дритан Абазовиќ на церемонијата на 1 ноември.

„Ни претставува голема чест и задоволство што имаме можност да му подариме црногорски пасош на една легенда на светската кошарка, како што е Владе Дивац“, изјави Абазовиќ.

Владе Дивац беше еден од првите Европејци кои заиграа во НБА. Со репрезентацијата на Југославија освои две светски првенства во кошарка, три европски првенства и два сребрени медали на Олимписките игри.

Црногорскиот парламент разреши двајца министри од преодната влада на Абазовиќ

Законот за црногорско државјанство предвидува дека лицето може да стекне црногорско државјанство доколку неговиот прием е „од посебно значење за државните, научните, економските, културните, економските, спортските и другите интереси на Црна Гора“.

Од обновувањето на независноста на Црна Гора, во просек, државата доделува меѓу 20 и 40 почесни државјанства годишно. Меѓутоа, во 2020 година на странци им биле доделени 131 почесно државјанство, што е шест пати повеќе од бројот на државјанства доделени претходната година (2019), кога биле доделени 22 почесни државјанства.

Дивац ја заврши својата НБА кариера во 1998 година и сега поминува голем дел од своето време во Црна Гора, каде што вели дека се наоѓаат корените на неговото семејство.