Инспектори на МААЕ во Иран решаваат нејаснотија околу нуклеарното збогатување

Инспектори од Меѓународната агенција на ОН за атомска енергија (МААЕ) се во Техеран за преговори и верификација, изјави шефот на иранската нуклеарна програма Мохамaд Еслами, јави полуофицијалната новинска агенција Тасним.

„Официјални лица на Меѓународната агенција за атомска енергија се во Техеран и од вчера почнаa преговори, посети и контроли. Се решаваат нејаснотии кои ги создаде инспектор“, изјави шефот на иранската организација за атомска енергија.

Минатата недела МААЕ соопшти дека разговара со Иран за резултатите од неодамнешните активности за верификација, откако Блумберг Њуз објави дека Агенцијата открила ураниум збогатен до 84 проценти чистота, што е блиску до степен на оружје.

Западните сили и Техеран во 2015 година постигнаа договор за ограничување на иранската нуклеарна програма. Меѓутоа поранешниот американски претседател Доналд Трамп ги повлече САД од договорот во 2018 година, што го натера Техеран постепено да го прекине почитувањето на договорот.

Иран тврди дека неговата нуклеарна програма е исклучиво за мирољубиви цели.