Приведени тројца Британци во Авганистан

Тројца Британци се приведени од талибанците во Авганистан, соопшти британската непрофитна група „Президиум мрежа“.

Групата на Твитер објави дека „тесно соработувала со две од семејствата“.

„Работиме напорно за да обезбедиме конзуларен контакт со британските државјани притворени во Авганистан и ги поддржуваме семејствата“, се додава во соопштението на британското Министерство за надворешни работи.

Скот Ричардс од Президиумската мрежа за Скај њуз изјави дека веруваат дека тие се во добра здравствена состојба и се добро третирани.

„Немаме причина да веруваме дека тие биле предмет на негативен третман како што е тортура и ни е кажано дека тие се добро колку што може да се очекува во такви околности“.

Немаше „никаков значаен контакт“ меѓу властите и двајцата мажи на кои им помага Президиумот, додаде тој.

Се верува дека овие двајца мажи биле држени од талибанците од јануари.

Не е познато колку време е задржан третиот човек.