Норвешка протера 15 руски „разузнавачи“ од амбасадата

Норвешкото министерство за надворешни работи на 13 април одлучи  да протера 15 претставници на руската амбасада. Во соопштението е наведено дека тоа се луѓе кои работат како разузнавачи под закрила на дипломатски позиции.



„Одлуката на владата е одговор на променетата безбедносна ситуација во Европа, што доведе до зголемена разузнавачка закана од Русија. Засегнатите руски службеници мора да ја напуштат Норвешка наскоро“, се вели во соопштението на Министерството за надворешни работи.


Руската амбасада во Осло не беше веднаш достапна за коментар кога ја контактираше новинската агенција Ројтерс. 






„Ова е важен чекор во спротивставувањето и намалувањето на нивото на руската разузнавачка активност во Норвешка, а со тоа и во заштитата на нашите национални интереси“, изјави норвешката министерка за надворешни работи Аникен Хуитфелд.


Норвешка, членка на воената алијанса на НАТО, дели граница со Русија на Арктикот.