Rooney gir seg som Derby-manager
Wayne Rooney (36) går av som manager for fotballklubben Derby etter halvtanna år. – Mi tid i klubben har vore som ein berg-og-dal-bane av kjensler, men eg må seie at eg har kost meg med utfordringa, seier Rooney i ei pressemelding. Den tidlegare Manchester United- og Everton-spelaren tok over Derby i januar 2021. Sist sesong var av den trøblete sorten i Championship. Før sesongen vart klubben straffa med 21 minuspoeng på grunn av dårleg økonomi. Derby hamna på 23.-plass og rykte ned.