Zelenskyj skal tale til Kongressen i USA
Presidenten i Ukraina, Volodymyr Zelenskyj, skal onsdag halde videotale for ein samla Kongress i Washington.
– Vi ser fram til å ønskje president Zelenskyj velkommen til å tale til Representanthuset og Senatet og uttrykkje vår støtte til det ukrainske folket i det modige forsvaret deira av demokratiet, seier leiarane for dei to kammera i Kongressen, Nancy Pelosi og Chuck Schumer.
Dei folkevalde i Washington ønskjer å leggje meir press på Det kvite hus for å leggje seg på ei tøffare linje etter den russiske invasjonen av Ukraina.
(NTB)