Erdogan og Scholz ber om våpenkvile i Ukraina

Tysklands statsminister Olaf Scholz møtte måndag Tyrkias president Recep Tayyip Erdogan i Ankara for å diskutere den russiske invasjonen av Ukraina.

Landa ber om våpenkvile mellom Russland og Ukraina, slik at det kan opnast humanitære korridorar for sivile som vil flykte.

Den tyrkiske presidenten håpar å kunne utnytte sin eigen kontakt med Moskva og bidra til ei fredsløysing.

Erdogan understreka også at Tyskland og Tyrkia «deler oppfatning og bekymringar» knytt til krigen i Ukraina.

– Vi vil halde fram den utrøyttelege innsatsen vår for ei langvarig våpenkvile, sa han.

Erdogan har kalla angrepet på Ukraina «uakseptabelt», men har ikkje slutta opp om dei vestlege sanksjonane mot Russland, ettersom landet er avhengig av russisk gass. Tyrkia har samtidig forsynt Ukraina med dronar.

(NTB)