Taleregistratoren er funnen etter flystyrten i Kina
0
Kinesiske luftfartsmyndigheiter melder at dei har funne taleregistratoren til passasjerflyet som styrta sør i Kina tidlegare denne veka. Den har fått store skader, men verkar intakt. Taleregistratoren skal no bli sendt til Beijing for å bli registrert.
Tidlegare vart det meldt at ein av dei svarte boksane er funne. Leitinga etter den andre svarte boksen held framleis fram.
Alle dei 132 om bord omkom då eit Boeing 737-800-fly frå China Eastern Airlines styrta på veg frå Kunming til Guangzhou måndag.
(NTB)