Profilert Putin-rådgivar sluttar

Anatolij Tjubais, ein av Vladimir Putins mest profilerte rådgivarar, har slutta i stillinga si, truleg i protest mot den russiske krigføringa i Ukraina.

Putins talsmann Dmitrij Peskov stadfestar overfor det russiske nyheitsbyrået Ria Novosti at Tjubais har sagt opp.

Tjubais er kjent som ein av hovudarkitektane bak Russlands økonomiske reformer etter Sovjetunionens oppløysing. Han har ifølgje Peskov sjølv vald å forlate posten.

Anonyme kjelder opplyser til Reuters at Tjubais har sagt opp i protest mot Russlands invasjon av Ukraina.

Ifølgje Reuters er Tjubais den mest profilerte personen i russisk politikk som protesterer mot krigen.

(NTB)