EU avviser rubelkravet til Putin
Rubelkravet til Russland om at olje- og gassleveransar til europeiske land må betalast i rublar, er kontraktstridig, meiner sjefen i EU-kommisjonen, Ursula von der Leyen.
– Dette vil vere ei einsidig avgjerd og eit kontraktsbrot, og det vil vere eit forsøk på å omgå sanksjonane, sa von der Leyen før toppmøtet i EU i Brussel torsdag.
Ifølgje ho er det uaktuelt å la Russland bruke energi til «utpressing» av europearar.