Новости за 01.06.2018

د ډنمارک حکومت پرون د نقاب یا داسې جامو پر اغوستو بندیز اعلان کړ چې په عام محضر کې څېره پټوي. د ډنمارک پارلمان دا لایحه د دېرشو مخالفو رأیو په وړاندې په ۷۵ مثبتو رأیو تصویب کړه. له دې پرېکړې سره مسلمانان نشي کولای چې نقاب یا برقه واغوندي. د دې قانون سرغړوونکي به درې ځلې د ۱۶۰ امریکايي ډالرو معادل جریمه کېږي، خو څلورم ځل باید د ۱۶۰۰ امریکايي ډالرو معادل جریمه ورکړي. د ډنمارک د عدلیې وزیر پېپ پولسین پرون وویل چې په فبرورۍ میاشت کې هغه مهال چې دا لایحه جوړېده، یادونه وشوه چې د مخ پټول د ډنمارک... Читать дальше...

د متحدایالاتو ولسمشر ډونالد ټرمپ د شمالي کوریا له مشر کیم جونګ اونګ سره په پلان شوې کتنه کې له اټمي وسلو د کوریا د ټاپووزمې د پاکولو چانس کم بللی دی. ټرمپ پرون له روېټرز خبري اژانس سره په لنډه مرکه کې وویل، دی لاهم هیله مند دی چې له کیم سره به د جون په دولسمه نېټه په سنګاپور کې وګوري. ښاغلي ټرمپ زیاته کړه، دی غواړي چې د کوریا ټاپووزمه په بشپړ ډول له اټمي وسلو پاکه شي، خو اکثر دا ډول معاملې داسې اسانه نه وي. ټرمپ وویل، ډېر امکان شته چې په دې اړه موافقه په یوه، دوو یا درېیو غونډو کې ونشي، خو ده ډاډ څرګند کړ چې دا کار به اخر وشي. Читать дальше...

د امریکا د حکومت هغه اعلان چې د اروپايي ټولنې د هېوادونو، کاناډا او مکسیکو د فولادو او المونیم پر وارداتو یې ګمرکي تعرفه لګولې ده، سخت غبرګون پارولی دی. د امریکا د سوداګرۍ وزیر ویلبور راس اعلان وکړ چې د اروپايي ټولنې له غړو هېوادونو، کاناډا او مکسیکو څخه متحدایالاتو ته د المونیم او فولاد پر صادراتو په سلو کې پنځه ویشت تعرفه سر له نن (جمعې ورځې) څخه نافذه ده. د فرانسې ولسمشر ایمانویل مکرون د واشنګټن دا اقدام ناسم وباله او ویې ویل چې په دې اړه به له ولسمشر ټرمپ سره ټلفوني خبرې وکړي. بريتانیا هم د دې اعلان په وړاندې چټک غبرګون وښود. Читать дальше...

د کرویشیا پولیس وايي، د غیرقانوني کډوالو پر یوه میني بوس د دوی په ډزو کې دوه ۱۲ کلن هلکان چې یو یې افغان او بل عراقی دی، سخت ټپیان شوي دي. د کرویشیا د پولیسو ویاند ایلیس زودان پرون پنجشنبه وویل، پېښه وړمه ورځ د شپې په لسو بجو هغه مهال وشوه چې یاد میني بوس په غیرقانوني ډول د بوسنیا له سرحده دې هېواد ته واوښت. ویاند زیاته کړه، پولیسو دوه ځلې د موټر د درولو هڅه وکړه، خو ډرېور ونه درېد او دوی اړ شول چې ډزې وکړي، خو وروسته یې ۲۹ تنه غیرقانوني کډوال په موټر کې وموندل. د کرویشیا د پولیسو ویاند زیاته... Читать дальше...

د پکتیا ولایت چارواکي وايي چې د پولیسو په یوه کمین کې څلور تنو وسله والو مخالفینو ته مرګ ژوبله اوښتې ده. د پکتیا ولایت د رسنیو دفتر په یوه خبرپاڼه کې وايي چې د سیدکرم ولسوالۍ په عالمګۍ سیمه کې د ملي پولیسو په کمین کې یو وسله وال طالب وژل شوی او درې نور ټپیان شوي دي. خبرپاڼه زیاتوي چې د نښتې په پای کې له وسله والو طالبانو څخه موټرسایکلونه هم پاتې شوي او د پولیسو لاس ته ورغلي دي.

د بادغیس ولایت چارواکي وايي چې د وسله والو مخالفینو یوې ۲۴ کسیزې ډلې له وسله والو فعالیتونو څخه لاس واخیست. د بادغیس امنیه قوماندان جنرال احمدفهیم قایم تېره شپه ازادي راډیو ته وویل، دا ډله چې پخوا یې په قادس ولسوالۍ کې وسله وال فعالیت کاوه د دوی د فعالیت په نتیجه کې د سولې له بهیر سره یوځای شوه. دی وایي: "د دې ډلې سرګروپ حاجي غني نومېږي، دوی د اوپراتیفي کار او د امنیې قوماندانۍ له هغه اعلان وروسته راغلل چې که د هېواد اساسي قانون ومني د سولې له بهیر سره یوځای کېدای شي." جنرال قایم وايي چې... Читать дальше...

د افغانستان د بهرنیو چارو وزارت وايي چې په کابل کې د بريتانیا، فرانسې، جرمني او اروپايي ټولنې شارژدافیرانو هیله ښودلې چې افغان حکومت به د ایران له اټمي موافقې څخه د متحدایالاتو تر وتلو وروسته له دې موافقې څخه ملاتړ وکړي. دې وزارت په یوه خبرپانه کې چې پرون خپره شوه ویلي، دوی دا غوښتنه پرون د افغانستان د بهرنیو چارو وزیر صلاح الدین رباني سره په کتنه کې وکړه. خبرپاڼه زیاتوي چې ښاغلي رباني د اروپايي هېوادونو استازو ته ویلي دي چې هیله مند دي د ایران له اټمي موافقې د امریکا وتل به د کابل او تهران ترمنځ د سوداګرۍ پر راکړې ورکړې ناوړه اغېز ونه کړي.

د غزني د مرکز او لسواليو ګڼ شمېر اوسېدونکو چې له تېرو شااوخوا ۴۰ ورځو راهیسې...