Новости за 05.11.2020

د امریکا متحده ایالاتو کې د ولسمشرۍ تر انتخاباتو چې تر ډېره د کرونا د خپرې شوې وبا په وړاندې د ولسمشر پر اقداماتو متمرکز و، یوه ورځ وروسته په دې هېواد کې د کرونا د ۹۹ زره او ۶۶۰ نویو مثبتو پېښو په ثتبېدو سره نوی ریکارډ ټینګ شوی. د امریکا د جانز هاپکنز پوهنتون پرون د ورځې په لومړیو کې په وروستۍ یوه اوونۍ کې د ورځې په متوسط ډول د کرونا د ۸۶ زره او ۳۵۲ پېښو راپور ورکړی و چې هغه هم د ریکارډ تر حده لوړه شمېره ده. د دغه ویروس له امله د مړو شمېر هم په ۱۰۰ کې ۱۵ زیات شوی، یعنې په دغه موده کې د ورځې په متوسط ډول ۸۴۶ کسان مړه شوي دي. Читать дальше...

د افغانستان پر بیارغونې د امریکا د څار اداره، سیګار وایي، په دې هېواد کې په وروستیو درېیو میاشتو کې د مخکېنیو درې میاشتو په پرته حملې په متوسط ډول د ورځې په ۱۰۰ کې ۵۰ زیاتې شوې دي. د جرمني د «ډي‌پي‌اې» خبري اژانس د راپور له مخکې سیګار نن په خپاره شوي نوي راپور کې ویلي چې په تېرو درېیو میاشتو کې افغان امنیتي ځواکونو ۱،۱۱۱ ځمکني عملیات کړي چې دا د تېر کال د همدې مودې په پرتله په پوځي عملیاتو کې څه باندې دوه چنده زیاتوالی ښيي. د راپور له مخې طالبانو بیا د افغان دولت او د امنیتي ځواکونو د کمزوري... Читать дальше...

د امریکا د ولسمشرۍ ډیموکرات کاندید جوبایډن وروسته له هغې چې په میشیګان او ویسکنسن ایالتونو کې یې پرون چهارشنبه د مهمې بریا اټکل وشو، خپل دریځ لا پیاوړی کړی، خو یو شمېر نورو مهمو ایالتونو کې د رأیو شمېرل لا دوام لري. په دې سره تر۲۴ ساعتونو وروسته چې د انتخاباتو د ورځې د رأیو لومړني مرکزونه تړل شوي، لا نه‌ده څرګنده چې کوم کاندید بریالی شوی دی. په میشیګان کې ۱۶ او ویسکنسن کې ۱۰ الکټرول کالج یا انتخاباتي رأیې بایډن خپلې کړي او په دې سره‌یې د ټولو انتخاباتي رأیو شمېر۲۵۳ ته رسېدلی دی. د هغه د سیال ولسمشر ډونالد ټرمپ دغه رأیې تر اوسه ۲۱۴ دي. Читать дальше...

د امریکا ولسمشر ډونالد ټرمپ په میشیګان، پنسلوانیا او جورجیا ایالتونو کې چې د انتخاباتي سیالیو مهم ډګرونه بلل کېږي، د نومبر د درېیمې د انتخاباتو د رأیو د شمېرلو د درولو لپاره محکمې ته دعوا وړاندې کړې او ادعا یې کړې چې د رأی‌پاڼو پرانیستل او ورته لاسرسی یې شفاف نه‌دی. د ټرمپ کمپاین پرون چهارشنبه په یوه بیان کې وویل چې د میشیګان ایالات محکمې ته‌یې شکایت کړی چې د رأیې شمېرل دې تر هغو ودرول شي ترڅو رأیې شمېرلو ته د بامفهومه لاسرسي مسئله تضمین شي. په پنسلوانیا کې یې کمپاین د انتخاباتو چارواکي تورن... Читать дальше...

د ایران د بهرنیو چارو وزیر محمد جواد ظریف ونزوئلا ته ورسېد. د ونزوئلا د بهرنیو چارو وزیر خورخې اریزا پرون وروسته تر دې چې د جواد ظریف هرکلی یې وکړ، په ټویټر کې ولیکل، د لوړې کچې هر سفر زموږ ستراتېژیک ائتلاف پياوړی کوي او وروري مو ټینګوي. اریزا بیا د امریکا بندیزونو ته چې پر ایران او ونزوئلا یې لګولي دي، اشاره وکړه او زیاته‌یې کړه چې ونزوئلا او ایران د تېري کوونکو په وړاندې په مېړانه درېدلي دي. جواد ظریف به له ونزوئلا څخه بولیفیا ته ولاړ شي او هلته به د نوي ولسمشر لویس ارسې د لوړې په مراسمو کې ګډون وکړي بیا به کیوبا ته سفر وکړي.

په اروپا کې د کرونا وبا د مخنیوي لپاره بندیزونه په سختېدو دي. په انګلستان کې به سر له ننه ټولبند وي، خو ښوونځي او پوهنتونونه به پرانیستې وي. بل لور ته د ایټالیا صدراعظم جوزپې کانتې د سې شنبې په ورځ یو فرمان لاسلیک کړ چې له مخې یې د ایټالیا په ډېرو برخو کې بندیزونه سختېږي. په هنګري کې صدراعظم ویکتور اوربان بېړنی حالت اعلان کړی دی او د شپې په مخه‌یې پر ګرځېدو راګرځېدو بندیز لګولی دی. په بلجیم کې صدراعظم بویکو بوریسوف امر کړی دی چې هر لوی روغتون دې د کرونا لپاره څانګه بېله کړي. او په ډنمارک... Читать дальше...

د میدان ښار او جلرېز ولسوالۍ ترمنځ لار له ماینونو پاکه شوه. د میدان وردک د والي ویاند محب‌الله شریف‌زوي ازادي راډیو ته تېره شپه وویل: "زموږ امنیتي ځواکونو دا لاره له ماینونو پاکه کړې ده. شااوخوا شپږ ماینونه‌یې ایستلي دي او پنځه پلچکونه‌یې رغولي چې اوس لاره د خلکو پر مخ خلاصه ده." د میدان وردک د ولایتي شورا مسؤلینو ویلي دي چې دغه لاره چې تر بامیان پورې غځېدلې ده او طالبانو له تېرو درېیو اوونیو راهیسې بنده کړې وه.

د کندهار چارواکي تر ۱۳۰ ډېرو طالبانو د وژلو ادعا کوي. د کندهار د والي ویاند احمد بهیر احمدي ازادي راډیو ته تېر ماښام وویل چې دغه وسله‌وال په تېرو ۲۴ ساعتونو کې د کندهار په ارغنداب، پنجوایي، ژیړۍ، میوند او معروف ولسوالیو کې د هوایي او ځمکنیو عملیاتو پر مهال وژل شوي دي. هغه زیاته کړه: "۱۳۱ وسله‌وال مخالفین وژل شوي، ۴۰ تنه ټپيان شوي دي. د دوی څلور موټر، ۲۳ موټرسایکل، تقریباً ۷۰ میله بېلابېل ډول وسله‌یې هم له‌منځه وړل شوي او پنځه پټنځایونه چې دوی په موقت ډول ترې استفاده کوله په بشپړه توګه له‌منځه... Читать дальше...

د ارزګان په دهراوود ولسوالۍ کې امنیتي وضعیت کړکېچن دی. په دغه ولایت کې د ملي اردو د څلورمې لوا ویاند جګړن اقا محمد ساپی وایي چې د کرل شویو ماینونو له امله‌یې عملیات ورو روان دي. هغه زیاته کړه: "بازار تر نیم زیات زموږ په لاس کې دی. قومانداني زموږ په لاس کې ده. له بازار نه ښکته چې ورځئ دې خواته چې سړک بېرته دهراوود بازار ته راګرځېدلی تر دې ځای پورې موږ پرمختګ کړی دی." پر دهراوود ولسوالۍ له څه باندې یوې میاشتې راهیسې طالبان بریدونه کوي او تېره اوونۍ یې د دې ولسوالۍ امنیه قومانداني هم ونیوله چې بیا الوتکو بمباري وکړه او طالبان په شا شول.

د هند د کرکټ غوره لیګ لوبو په ترڅ کې نن د ممبی اینډینز او ډېلي کپیټلز لوبډلو ترمنځ مسابقه ده. دا لوبه د کابل په وخت شپږ نیمې بجې پيلېږي. د هند غوره لیګ لوبې دوهم پړاو ته داخلې شوې دي او دا دوه لوبډلې د جدول په سر کې دي. د هند غوره لیګ روانې لوبې د سپټمبر په ۱۹مه په متحده عربي اماراتو کې پيل شوې او پایلوبه به‌یې د نومبر په ۱۰مه وي.

سعودي عربستان د بهرنیو کارګرو د کفالت سیستم لغوه کوي، دغه هېواد کې لسګونه زره افغان کارګر شته چې خپل کفیل ته د ویزې د هر ځل تمدید لپاره پیسې ورکوي او د هر سفر اجازه ترې اخلي. ریاض د کار او شغل په تګلاره کې د اصلاحاتو ژمنه کړې او وایي چې د کفالت سیستم به ختم کړي. د کفالت سیستم کارګر له خپل سعودي څښتن سره وصل کوي. پر دې ډېر انتقادونه شوي او حتی دې سیستم ته عصري غلامي ویل شوې ده. د بشري سرچینو او ټولنیزې پرمختیا وزارت په ټویټر کې لیکلي دي چې د مارچ له ۱۴مې وروسته به بهرنیان د کار د بدلون او بهر... Читать дальше...

اروپایي ټولنې او پاکستان په افغانستان کې اوربند د سولې د خبرو په ترڅ کې د اعتماد پيدا کېدو لپاره مهم وباله. د اروپایي ټولنې او پاکستان د ستراتېژیکو مذاکراتو په پای کې په ګډ بیان کې ټینګار وشو چې په افغانستان کې د شخړو دوام د سولې لپاره د سیمې له غوښتنو سره په ټکر کې دی. د اروپایي ټولنې د بهرني سیاست او امنیتي تګلارې د برخې جګپوړي استازي جوزف بورېل د پاکستان له بهرنیو چارو وزیر شاه محمود قریشي سره د وېډیو کنفرانس له لارې د اروپایي ټولنې او پاکستان ترمنځ پر ستراتېژیکو مذاکراتو خبرې وکړې. تر دې... Читать дальше...