د بلوچستان د کلا سېف الله سیمې څو ځوانان د ټولنیزو رسنیو لپاره داسې ویډیوګانې جوړوي چې ټولنه اصلاح ځینې واخلي. د دغو ځوانانو فېسبوک پاڼه لوی شمېر مینوال لري. دوی غواړي چې له ټولنې یې هغه ټولې ناوړه کړنې ورکې شي چې د ولس په تاوان تمامېږي. په دې اړه د صمد شبنم ویډیویي راپور وګورئ.
کابل چاپ ورځپاڼو په خپلو نننیو ګڼو کې د سولې په ټپه درېدلي حالت او ولسي جرګې ته د نوماند وزیرانو د پروګرامونو په تړاو لیکنې او تبصرې خپرې کړې دي. مسير مسیر ورځپاڼې په خپله سرمقاله کې ټينګار کړی چې په افغان سوله کې د ملګرو ملتونو د منځګړیتوب اړتیا ده. وړاندې په سر مقاله کې د افغانستان د سولې پروسې په ټپه درېدلي حالت ته اشاره شوې راغلي، چې له یوه اړخه هره ورځ جګړه لسګونو او آن سلګونو افغانانو ته مرګ ژوبله اړوي او له بله اړخه د امریکايي ځواکونو د چټک وتلو بحث کېږي چې د لیکوال په خبره ورسره به افغانستان یوې خونړۍ کورنۍ جګړې ته ټېل وهل شي. Читать дальше...
د بېلاروس د ژورنالیستانو ټولنې د رسنیو د ازادۍ جایزه وګټله. د بریتانیا او کاناډا د بهرنیو چارو وزارتونو پرون په منسک کې دېره د ژورنالیستانو ټولنې ته د دې جایزې د ورکولو خبر ورکړ. دغه جایزه پرون د رسنیو پر ازادۍ د دویم نړیوال کنفرانس په پای کې چې کاناډا او بوڅوانا یې په انلاین بڼه کوربانه وو، ورکړل شوه. د کاناډا حکومت په یوه اعلامیه کې وویل: "د بېلاروس د ژورنالیستانو ټولنه ژورنالستیکو اخلاقو او اصولو ته د هغې د ژمنتیا له کبله غوره شوې، چې په دغه هېواد کې پر رسنیو د فشارونو پر مهال یې... Читать дальше...
د امریکا په مشرانو جرګه کې د اکثریت مشر میچ مککانل، په افغانستان او عراق کې د امریکايي ځواکونو د ناببره کمولو په اړه خبرداری ورکړ. تر دې مخکې په راپورونو کې ویل شوي وو، چې ولسمشر ډونالډ ټرمپ په پام کې لري، چې په دغو دوو هېوادونو کې د څو ورځو په مخه د امریکايي پوځیانو د شمېر کمېدل اعلان کړي. مککانل چې په مشرانو جرګه کې مخکښ جمهوریپال ګڼل کېږي ویلي، د ځواکونو دا ناڅاپي کمېدل به افراطي ډلو ته د تبلغیاتي بریا چانس برابر کړي او د شریکانو یوازې پرېښودل به وګڼل شي. میچ مککانل په خپلو خبرو کې وویل... Читать дальше...
د سوریې د بهرنیو چارو وزیر ولید المعلم چې تجربه کار ډیپلومات بلل شوی، پرون په دمشق کې د ۷۹ کلونو په عمر مړ شو. دی د هغو سوله ییزو مظاهرو د خونړي فشار پر مهال، چې په دغه هېواد کې د یوې لسیزې شخړې سبب شوې، د بشارالاسد د رژیم کلک ملاتړی پاتې شو. د سوریې دولتي رسنیو معلم یو مبارز ډیپلومات یاد کړی، چې په وینا یې تر وروستۍ سلګۍ یې د سوریې دفاع وکړه. ده په ۱۹۶۴م کال په بهرنیو چارو وزارت کې دنده پیل کړه او په ۲۰۰۶م کال کې د بهرنیو چارو وزیر شو.
د امریکا منتخب ولسمشر جو بایډن خبرداری ورکړ، که اوسنی ولسمشر ډونالډ ټرمپ د جنورۍ تر شلمې یعنې تر لوړې مخکې د کرونا-ضد واکسین د وېش په باب معلومات له نوې ادارې سره شریک نه کړي، ښايي په کرونا ویروس په امریکا کې د مړو شمېر لا زیات شي. کله چې پرون په دلاویر ایالت کې د یوه کنفرانس پر مهال له هغه له ولسمشر ټرمپ نه پر وخت د معلوماتو نه ترلاسه کولو د خطرونو په اړه پوښتنه وشوه، جو بایډن وویل: "که دا هڅې همغږې نه کړو، ښايي نور کسان هم ومري." ډونالډ ټرمپ چې تر اوسه یې د نوامبر د درېیمې نېټې د ټاکنو د... Читать дальше...
واشنګټن ایګزمینر د افغانستان څخه د امریکايي سرتېرو د ایستلو په اړه د ولسمشر ډونالډ ټرمپ په پرېکړه لیکنه کړې چې سرلیک یې دی” ټرمپ د خپلې دندې له پای ته رسېدو مخکې، له افغانستان څخه د امریکايي سرتېرو د بشپړه وتلو لپاره شرایط برابروي. “ د لیکنې په وینا د امریکا د دفاع سرپرست وزیر کریستوفر میلر په هغه څه کې چې د دې وزارت کارکونکو ته د نوموړي لومړنی پیغام بلل شوی، دې ته اشاره کړې چې ممکن، امر ورته وشي چې د افغانستان څخه د پاتې امریکايي سرتېرو د وتلو څارنه وکړي. ټرمپ د اکټوبر په اومه نېټه ویلي وو،... Читать дальше...
مشهوره ژورنالیسته او د امریکا غږ اشنا راډیو پخوانۍ رييسه سپوږمۍ میوندۍ د ورپېښې ناروغۍ له کبله د امریکا په متحدو ایالتونو کې وفات شوه. د امریکا غږ اشنا راډیو خبریال سلیمان اشنا ازادي رادیو ته وویل، اغلې میوندۍ چې په ۱۹۸۲ م کال کې یې له امریکا ږغ سره کار پیل کړی و، د دې راډیو د پښتو برخې له بنسټګرو څخه وه. هغه زیاته کړه: "مېرمن میوندۍ د لسو کلونو لپاره د امریکا غږ رييسه پاتې شوې او تر تقاعد وړاندې د جنوبي او مرکزي اسیا عمومي ريیسه وه." مېرمن میوندۍ د شنبې په سهار وفات او د امریکا په مریلنډ ایالت کې خاورو ته وسپارل شوه.
یو افغان چې دوه کاله وړاندې له جرمني څخه ایستل شوی و، یو ځل بیا د دغه هېواد وېزه واخیسته. د سردار جعفري د پناه غوښتنلیک د جرمني له لوري رد شوی و او د ۲۰۱۹ کال په جنورۍ کې له دې هېواده وایستل شو. اوس دغه ۳۲ کلن ځوان ډي پي اې خبري اژانس ته ویلي، په دې خوښ دی چې د کار او ښوونځي لپاره بېرته جرمني ته ځي. جعفري په جرمني کې د دوه کلنې هستوګنې په موده کې جرمني ژبه زده کړه او د کېک او کولچې زده کړه یې کوله. نوموړی به، چې په هند کې یې د جرمني وېزه اخیستې، سبا دې هېواد ته روان شي.
د ارزګان چارواکي وايي، د دې ولایت دهراوود ولسوالي ته کومکي ځواک رسېدلی دی. د اروزګان د والي ویندوی احمدشاه ساحل ازادي راډیو ته وویل، دا ځواکونه به په دهراوود ولسوالي کې هغه سیمې تصفیه کړي چې په وروستیو ورځو کې طالبانو نیولې دي. هغه زیاته کړه: "د دغو سیمو د بېرته نیولو او د امنیتي ګواښونو د مخنیوي لپاره به انشالله عملیات پیل شي." ساحل ونه ویل چې د هراوود ته څومره کومکي ځواک رسېدلی او کله به عملیات پيل کړي. خو د دهراوود امنیه قوماندان جان محمد کریمي ازادي راډیو ته وویل چې لا هم د دهراوود... Читать дальше...
په زابل کې امنیتي چارواکي وايي چې په دې ولایت کې په دوو جلا عملیاتو کې لږترلږه ۱۰ طالبان وژل شوي او ۹ نور ژوبل شوي دي. په زابل کې د ملي اردو د دوهمې پلې لوا قوماندان ډګروال سیدبابا منصوري تېره شپه ازادي راډیو ته وویل چې نن لسګونو طالبانو د زابل پر شملزو، مېزاني او د شاه جوی پر یو شمېر امنیتي پوستو ډله ییز بریدونه وکړل چې د امنیتي ځواکونو په ځوابي برید کې ۱۰ طالب وسله وال ووژل شول او ۹ نور ټپیان شول. طالبانو په دې اړه تر دې دمه څه نه وي ویلي.
یوه افغان، چې په ۲۰۰۸ م کال د یوه امریکايي ژورنالیست د برمته کولو په تور نیول شوی و، پر ځان لګېدلی تور رد کړ. حاجي نجیب الله، چې د اوو میاشتو په مخه د امریکايي ژورنالیست دیوید روهد او دوو نورو کسانو د یرغملولو په تور نیول شوی و، پرون په نیویارک کې له فدرالي محبسه د ټېلېفون له لارې وویل چې بېګناه دی. ویل شوي چې امریکايي ژورنالیست، چې د پیسو لپاره تښتول شوی و، وتوانېده چې له برمته ګرو وتښتي. په دې قضیه به د فبرورۍ په میاشت کې وروسته له دې پرېکړه کېږي چې څارنوال خپل محرم معلومات وړاندې کړي.
ایران وايي، د کرونا ویروس د مخنیوي لپاره د شنبې له ورځې د تهران په ګډون د هېواد په ښارونو کې پر فعالیتونو بندیز لګوي. له کرونا ویروس سره د مبارزې لپاره د ایران د ملي کمېټې ویندوی علیرضا رييسي پرون دوشنبه وویل، د ۱۵۰ ښارونو د دوه اوونیزې ټولبندۍ په لړ کې به یوازې د خوراکي موادو پلورنځي، نانویانې، روغتونونه، کتنځي او درملتونونه پرانیستي وي. سره له دې چې په ایران کې د کرونا ویروس مثبتې پېښې او ورڅخه مړینې زیاتې دي، د ایران حکومت د اقتصادي ستونزو له کبله له ټولبندۍ ډډه کوله. د ایران د رسمي شمېرنو... Читать дальше...
د فوټبال اروپايي اتلولیو ته د لارموندلو لپاره د سیالیو په لړ کې نن شپه د جرمني او هسپانیا لوبډلې میدان ته وځي. د جرمني لپاره دا مسابقه لویه ازموینه ګڼل کېږي ځکه چې د ۲۰۱۸ د نړیوال جام په ګروپي پړاو کې له سیالیو څخه له وتلو وروسته د لومړي ځل لپاره د نړۍ له یوه غښتلي ټیم سره مخامخ کېږي. جرمني، چې د شنبې په ورځ اوکراین ته ۳ په یو ماتې ورکړه، د نن شپې په سیالۍ کې د ښې لوبې تمه لري. ټاکل شوې وه چې د اروپا د فوټبال جام سیالۍ سږ کال ترسره شي خو د کرونا ویروس د خپرېدو له کبله دا سیالۍ یو کال وځنډېدې.
د افغانستان د بهرنیو چارو وزارت یو پلاوی تهران ته تللی چې د دغه هېواد له چارواکو سره پر اقتصادي، سوداګري او ترانسپورتي همکاریو خبرې وکړي. د افغانستان د باندنیو چارو وزارت وايي، د سیاسي مرستیال میرویس ناب په مشرۍ افغان پلاوی به، چې پرون تهران ته ورسېد د ایران د باندنیو چارو له مرستیال وزیر عباس عراقچي سره د دوو هېوادونو د اوږدمهالو او هراړخیزو همکاریو د سند پر وروستي کولو هم خبرې وکړي. د ایران د خواف او د افغانستان د هرات ولایت ترمنځ د رېللارې پر پرانیسته به هم د دواړو هېوادونو د بهرنیو چارو مرستیال وزیران وغږېږي.
د درمل جوړولو امریکايي شرکت موډرنا اعلان وکړ چې د کرونا پر ضد د دوی له لوري جوړ شوی واکسین نږدې ۹۵ سلنه اغېزمن دی. په نړۍ کې د کرونا ویروس د خپرېدو څه کم یو کال پوره کېږي خو دا دی په ایله کې اوس د دې خپرېدونکي ویروس د مخنیوي لپاره واکسین په جوړېدو دي. د موډرنا امریکايي کمپنۍ اجرايي رييس سټېفن بانسل پرون دوشنبه په یوه بیان کې وویل، د دوی د واکسین د درېم پړاو نتیجې ښيي چې د کوویډ۱۹ په مخنیوي کې بریالی دی. د موډرنا شرکت په وینا دا واکسین په سلو کې ۹۴ اعشاریه ۵ د کرونا ویروس په وړاندې اغېزمن دی. Читать дальше...
په داسې حال کې چې ویل کېږي ممکن د امریکا ولسمشر له افغانستانه ټول امریکايي پوځیان تر ټاکلي وخت ژر وباسي، د ناټو سرمنشي د امریکا له دفاع وزیر سره په دې اړه خبرې کړي. وروسته له دې چې د امریکا د دفاع نوي سرپرست وزیر کریسټوفر مېلر خپل پوځ ته په لومړني پیغام کې وویل، هغه وخت راغلی چې امریکايي پوځیان نور خپل هېواد ته راوګرځي، خبرې یې داسې تعبیر شوې چې کریسټوفر هغه څه عملي کوي چې ولسمشر ټرمپ د اکتوبر په اوومه پر خپله ټویټرپاڼه کښلي و. ټرمپ تر انتخاباتو وړاندې ویلي و چې له افغانستانه به ټول امریکايي پوځیان تر کرسمیس مخکې راوباسي. Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости