Новости за 13.05.2025

نوریه نجفي زاده په بلخ ولایت کې د غالۍ اوبدلو د سکتور یوه متشبثه ده. وایي، د غالۍ اوبدلو یوه لویه کارخونه لري خو په وروستیو کې یې د اقتصادي ستونزو له امله فعالیتونه کم شوي او اړ شوې چې یو شمېر ښځینه کارګرانې له دندو وباسي. نوموړې ازادي راډیو ته وویل: "زموږ په کارونو کې هم بدلونونه راغلي دي. د بودجې کمښت او د خامو موادو د بیو لوړوالی، د غالۍ اوبدلو په برخه کې د ښځو د بې کارۍ لاملونه دي، دا چې کارونه او پلور نشته موږ هم اړ شو چې یو شمېر ښځو ته ځواب ورکړو، موږ خپلې ښځینه کارګرانې ۳۵ سلنه کمې کړې دي."... Читать дальше...

کینايي رسنۍ وايي چې د نایروبي یوې محکمې د امریکا متحده ایالتونو ته د افغانستان د ولسي جرګې د پخواني مرستیال ظاهر قدیر د سپارلو حکم تایید کړی دی.

بيان زياتوي چې سعودي عرب په امريکا کې د ۶۰۰ مېليارده (اربه) ډالرو پانګونه کوي. په دې کې د دفاعي تړون تر ټولو لوی دی چې نېږدې ۱۴۲ اربه ډالر ارزښت لري.

د پاکستان د قبایلي او سرحدي چارو یا سیفران وزیر امیر مقام ویلي دي چې په هغه هېواد کې د ملګرو ملتونو د کډوالو ادارې د مهاجرت (پروف اف رجسټرېشن یا پي او ار) کارډ لرونکو افغان کډوالو د استوګنې مهلت (ضرب الاجل) د روان ۲۰۲۵ز کال د جون ۳۰ نېټه ده، خو د هغه په وينا دا حتمي نه ده، ځکه په جون مياشت کې به مرکزي کابينه په دې اړه غونډه او پرېکړه کوي. نوموړي زياته کړه چې پاکستان وخت په وخت افغان کډوالو ته خپل هېواد ته د ستنېدو لپاره وخت ورکړی دی. امير مقام له مشال راډيو سره د مرکې پر مهال وويل چې د پاکستان حکومت... Читать дальше...

د پاکستان پوځ د عامه اړیکو ادارې (ای اېس پي ار) د مې پر ۱۳مه په یو بیان کې ویلي دي د مې د شپږمې او اوومې نېټې په مينځنۍ شپه د هند له خوا پر پاکستان شویو بریدونو کې د مېرمنو او ماشومانو په ګډون ۴۰ ولسي کسان هم وژل شوي دي.

د پښتون ژغورنې غورځنک مخکښ او د کروندګرو د حقونو فعال لیاقت یوسفزی د مې پر ۱۲مه د زړه د حملې له امله تر مړينې وروسته پر همهغه ورځ په صوابۍ کې په خپل پلرني ټاټوبي کې خاورو ته وسپارل شو. د نوموړي زوی هېواد يوسفزي مشال راډیو ته ويلي چې پلار يې تر کور زيات وخت د پښتنو او د کروندګرو د حقونو غوښتلو ته ورکړی وو. لياقت يوسفزي له ۱۹۸۰مې لسيزې راهيسې د پښتنو ملتپاله مبارزه پيل کړې وه. د هغه پر مړينې ګڼو پښتنو مشرانو غمرازي څرګنده کړې ده.

د پښتو ژبې مشهور ليکوال نورالبشر نويد وايي د خپل کلي له چاپيريال او مشرانو یې ډير څه زده کړې هغه د خیبر پښتونخوا د مردان اوسېدونکی دی. يو شعر یې دی چې: دې خاوره کې کجوره د عربو کله کیږي -- دا خاوره خپل ګلاب لري ، نښتر او چنارونه. نويد په لسګونو ډرامې، نظمونه او نثرونه ليکلي دي. د ماته غوږه شه په نامه د کالمونو لړۍ یې هم ډېره مشهوره وه. خو نوموړی کلک پښتون سیاستوال هم پاتې شوی دی او د ليکوال مجلې له لارې یې د ډېرو ځوانانو په لاره کې د وطنپرستۍ مشالونه بل ساتلي دي. له هغه سره د راشد خټک دا په زړه پورې مرکه واورئ.