له معاشه د پاتې دولتي کارکوونکو معاش به له اختر وروسته ژر توزېع شي
![له معاشه د پاتې دولتي کارکوونکو معاش به له اختر وروسته ژر توزېع شي](https://gdb.rferl.org/82CC89C3-3644-4C09-91E1-E4634DA57BBC_w800_h450.jpg)
د افغانستان ماليې وزارت وايي، هغو دولتي کارکوونکو چې ویې نه کړی شول چې د زمري د مياشتې معاش د لوی اختر لپاره له مخکې واخلي، معاش به يې ژر تر ژره له اختر وروسته ورته توزېع شي.
د ماليې وزارت ویاند شمروز خان مسجدي تېره شپه ازادي راډیو ته وویل: ښه سناریو خو دا وه چې تر اختر مخکې د ټولو کارکوونکو معاشونه رسېدلي وای چې په اختر کې يې ورڅخه استفاده کړې وای، خو کومې ادارې چې پاتې شوي دي، مانا يې دا ده چې تر اختر وروسته به هم د دوی د معاشونو رسولو بهیر دوام کوي.
د بانکونو شعبې په ځانګړې توګه په کابل کې تر وخت مخکې د معاشونو د توزېع په خاطر په وروستیو څو ورځو کې له ګڼې ګوڼې سره مخامخ شوي وو.