د پولنډ او سلواکیا ترمنځ په تاترا غرونو کې تالندې پنځه تنه مړه کړي
چارواکو پرون پنجشنبه وویل، د تالندې ډېرى قربانیان د پولنډ په خوا کې دي چې پر یوې لوړې غرنۍ سیمې تالنده پرېوتې ده.
په سلواکیا کې هم یو کس مړ شوی دی.
په هغه سیمه کې چې ډېر غرختونکي ورځي، سل تنه نور ټپیان شوي هم دي.
د پولنډ صدراعظم ماتيوس موراويه تسکي ویلي، د ځینو ټپیانو روغتیايي وضیعت نازک دى.
ژغورونکو ویلي، کله چې پر هغه وسپنيز زنځير چې ګرځندويان ورڅخه د غره څوکې ته د ختلو لپاره کار اخلي تالنده پرېوتله، ګڼ غرختونکي سیمې ته نږدې وو.
د چارواکو په وینا، مخکې له هغې چې سېلانیان غره ته روان شي، هوا صافه وه.