هند کام ایر هوايي شرکت ته د افغان مسافرو د لېږدولو اجازه ورکړه
د افغانستان د ملکي هوایي چلند د هوايي ټرافیک د ادارې مشر غلام معصوم معصومي نن د مارچ په ۲۷مه، ازادي راډیو ته وویل چې کام ایر به په پنځو ورځو کې نږدې ۲۰۰۰ کسان له نوې ډېلي کابل ته ورسوي.
د کام ایر شرکت پر فېسبوک پاڼه خلکو ته لیکل شوي چې کهیې د پرواز ټکټونه اخیستي وي، سبا، د مارچ په ۳۰مه (دوشنبه)، د اپرېل په درېیمه او او د اپرېل په پنځمه د نوې ډېلي په مالوي نګر، لاجپت نګر او بهوګل په سیمو کې راغونډ شي.
د افغانستان د ملکي هوايي چلند د ادارې د هوايي ټرافیک د برخې مشر ازادي راډیو ته وویل چې په نوې ډېلي کې د افغانستان سفارت به د نوې ډېلي له پولیسو سره د همغږۍ پر اساس، ټول مسافر په موټرو کې تر هوايي ډګره ورسوي.
په هند کې حکومت ګرځبندیز اعلان کړی دی.
د کام ایر شرکت ویلي چې له نوې ډېلي تر کابله د یوه ټکټ بیه ۳۸۰ ډالره دی. دې شرکت له خلکو غوښتنه کړې چې د ټکټونو پلورونکو ته دې تر دې زیاتې پیسې نهورکوي او که څوک ډېرې پیسې ورڅخه غواړي، کام ایر ته دې خبر ورکړي.