پولیسو ننګرهار کې نږدې ۶۰کیلوګرامه نشه يي مواد او نشه يي ګولۍ نیولي
په ننګرهار ولایت کې نږدې شپېته کیلوګرامه نشه يي مواد او نشه يي ګولۍ ونیول شوې.
د کورنیو چارو وزارت ویاند طارق آرین ازادۍ راډیو ته وویل، د ننګرهار ولایت له نشه يي موادو سره د مبارزې پولیسو په جلال اباد ښار، بټیکوټ ولسوالۍ او تورخم بندر کې درې عملیات وکړل چې په نتیجه کې یې (۴۶) کیلوګرامه ښیښه، څه د پاسه (۹) کیلوګرامه هیرویین او ټابلیټ کا په نوم (۶۹۸۹) نشه يي ګولۍ ونیولې.
د دې پېښو په تړاو درې تورن کسان هم نیول شوي دي.