اوکراین کې د یوې الوتکې د لوېدو له امله ۲۶ کسان وژل شوي
د اوکراین پوځ وایي، په دې هېواد کې د یوې پوځي مسافر وړونکې الوتکې د لوېدو له کبله ۲۶ سپرلۍ وژل شوي دي.
د اوکراین هوایې ځواکونو ویلي دا انټونوف An-26 ډوله الوتکه پرون مازدیګر د دې هېواد په شمال ختیځ سیمه خارکیف کې د کېناستلو پر مهال لویدلې ده.
چارواکو وروسته وویل چې یوه پیلوټ د الوتکې تر کېناستلو لږ مخته د یوه انجن د خرابوالي راپور ورکړی دی.
په دې پېښه کې په لومړي سر کې دوه کسان ژوندي پاتې شوي وو او روغتون ته انتقال شول چې وروسته د یوه کس د مړینې خبر ورکړل شو.
د پېښې د علت په اړه تحقیقات روان دي.
پوځ وایي، ډېری وژل شوي کسان د خارکیف د ملي هوایي ځواک د پوهنتون زده کوونکي وو.
د اوکراین ولسمشر ولادیمیر زیلینسکي په یوې اعلامېې کې ویلي چې نن ناوخته به د پېښې سیمې ته ولاړ شي.