پولیسو کابل کې له چاودېدونکو توکو ډک موټر نیولی
پولیسو کابل کې له چاودېدونکو توکو ډک مازدا ډوله موټر نیولی دی.
د کورنیو چارو وزارت ویاند طارق ارین رسنیو ته ویلي، دغه موټر کې څلور زره کیلو ګرامه سودیم نایټریټ مواد ځای په ځای شوي وو.
له دغو موادو د ماینونو او نورو چاودېدونکو توکو په جوړولو کې ګټه اخیستل کېږي.
دغه موټر د کابل پلچرخي سیمه کې پر عمومي سړک نیول شوی او پولیسو یې چلوونکی توقیف کړی دی.