د بامیان چارواکي: طالبانو په یوه برید کې ۹ افغان سرتېري وژلي
د بامیان د امنیه قومندانۍ ویاند محمد رضا یوسفي ازادي راډيو ته وویل چې طالبانو د شېبر ولسوالۍ په باغک کلي کې له یوې اوونۍ بریدونه کول چې بلآخره نن پای ته ورسېدل.
یوسفي تاییدوي چې د طالبانو په دې برید کې ۹ افغان سرتېري وژل شوي، دوه تنه یې ټپيان او یو تن یې د طالبانو په لاس اسیر شوی دی.
د بامیان امنیه قومنداني وايي چې طالبان د افغان پوځیانو په ځوابي برید کې له سیمې وتلي دي.
طالبانو بیا ادعا کړې چې په شېبر ولسوالي کې یې څو پوستې هدف ګرځولي او لسګونه افغان سرتېري یې وژلي دي.