ډبليو ايچ او: د "فایزر-بیو ان ټیک" واکسین استفادې ته اجازه ورکړل شوه
د روغتیا نړیوال سازمان( ډبلیو.ایچ.او) د کرونا پر ضد د فایزر او بیوان ټیک واکسین بېړنۍ استفادې ته اجازه ورکړه.
له کله نه چې کرونا وبا پيل شوې، دا یې په وړاندې جوړ شوي واکسین ته لومړنی لوی( اعتبار) بلل کېږي.
د روغتیا نړیوال سازمان په خپله ویبپاڼه لیکلي، چې دا اجازه به نورو هېوادونو ته لاره هواره کړي چې د د دغه واکسین د واردولو او کنټرول چارې ګړندۍ کړي.
د فایزر او بیو ان ټیک کمپنیو د واکسین تطبیق د لومړي ځل لپاره بریتانیا او ور پسې په امریکا او اروپایي ټولنه کې پيل شو.