د 'پومسه تکواندو' سیالیو روزنیز سمينار کابل کې پیل شو
![د 'پومسه تکواندو' سیالیو روزنیز سمينار کابل کې پیل شو](https://gdb.rferl.org/ce93a374-7cab-4a4b-8a1e-7651248abb76_cx7_cy17_cw66_w800_h450.jpg)
د 'پومسه' په نوم د تکواندو یو ډول سیالیو روزنیز سيمينار نن یکشنبه(د مرغومي ۱۴مه) په کابل کې پیل شو.
د المپیک ملي کمېټې مطبوعاتي غړي مجیب قاریزاده نن ازادي راډیو ته وویل چې د دغه سیمینار هدف د تکواندو د 'پومسه' برخې معیاري کول یاد شوي.
په دغه درې ورځني سیمینار کې ٥٠ روزونکو ګډون کړی دی.
ښاغلی قاریزاده وایي، روزونکي له سیمینار وروسته کولای شي چې خپلې تجربې له نورو سره شرېکې کړي جې دا به د 'پومسه' برخې لوبغاړو سره د پام وړ مرسته وکړي.