'ترکېش ایرلاین' له استانبوله کابل او بلخ ته الوتنې بیا پیلوي
د ترکیې هوايي شرکت 'ترکېش ایرلاین' له استانبوله کابل او مزارشریف ته خپلې الوتنې سر له نننه بیا پیلوي.
دې شرکت په خپله ټویټرپاڼه لیکلي چې په اوونۍ کې دوه الوتنې به کابل او دوه به مزارشریف ته کوي.
دې شرکت ویلي، هغه کسان چې غواړي په دې ایرلاین کې سفر وکړي باید د کرونا داسې منفي ټېسټ ورسره وي چې نتیجه یې ۷۲ ساعته مخکې ترلاسه کړي وي، خو دا هغه کسان چې د ټرانزیټ هدف ترکیې ته سفر کوي، له دې شرطه معاف دي.
ترکېش ایرلاین د ۲۰۲۰ میلادي کال د مارچ په ۲۷مه نېټه د کرونا ویروس د مخنیوي لپاره د اقداماتو په ترڅ کې افغانستان ته خپلې الوتنې بندې کړي وې.