د افغان ښځو د والبیال لوبډلې بنګلهدېش ته ۳ پر ۱ ماته ورکړه
د افغانستان د ښځو د والیبال لوبډلې د دوشنبې په ورځ د منځنۍ اسیا د ښځو د والیبال په اتلولۍ کې خپله لومړنۍ بریا ترلاسه کړه او په یوې مهمې ګروپي سیالۍ کې یې بنګلهدېش ته ۳ پر۱ ماتې ورکړه.
دا مسابقه د مالدیف په پلازمېنه مالې کې وشوه، هغه ښار چې د یوې اوونۍ په مخه د دې سیمهییز تورنمنټ کوربهتوب کوي.
تر دې مخکې د افغانستان لوبډلې دوې پر له پسې سیالۍ پر قرغیزستان او کوربه مالدیف بایللې وې.
د منځنۍ اسیا د ښځینه والیبال په اتلولیو کې د افغانستان، بنګلهدېش، مالدیف او قرغیزستان لوبډلې ګډون لري او دا سیالۍ د ډسمبر له ۱۹مې تر ۲۵مې پورې دوام کوي. دا ټورنمنټ د سیمې د ښځینه والیبال لوبډلو لپاره د سیالۍ یو نادر فرصت بلل کېږي.
د افغانستان د ښځو د والیبال لوبډله تر ډېره په تبعید کې فعالیت کوي، ځکه چې له ۲۰۲۱ کال راهیسې د طالبانو له لوري لګول شویو محدودیتونو په سپورتي او ټولنیز ژوند کې د ښځو د ګډون مخه نیولې ده.