Новости за 02.11.2020

Policia e Vjenës ka thënë se dy persona janë vrarë si pasojë e asaj që Ministri i Brendshëm austriak, Karl Nehammer, ka thënë se është “sulm terrorist” në qendër të qytetit. Zyrtarët policorë kanë thënë se një person është vrarë dhe disa të tjerë janë plagosur, përfshirë një zyrtar policor. Një i dyshuar është qëlluar dhe është vrarë nga zyrtarët policorë, sipas policisë. Agjencia e lajmeve Reuters ka raportuar se kryetari i Vjenës, Michael Ludwig ka njoftuar se është regjistruar viktima e dytë civile si pasojë e sulmit. Читать дальше...

Grupi ekstremist, Shteti Islamik ka marrë përgjegjësinë për një sulm në Universitetin e Kabulit, që ka rezultuar me të paktën 19 persona të vdekur dhe mbi 20 të plagosur. Zëdhënësi i Ministrisë së Brendshme, Tariq Arian ka thënë se tre sulmues kanë hyrë në universitet më 2 nëntor, para se të përballeshin me forcat e sigurisë për orë të tëra. Arian ka thënë se të tre sulmuesit janë vrarë në betejë. Dëshmitarët kanë thënë se pas sulmit ka pasur edhe shpërthime në zonën e sulmit. Sulmi është... Читать дальше...

Maqedonia e Veriut ka regjistruar të hënën 21 persona të vdekur me koronavirusin e ri, që shkakton sëmundjen COVID-19. Viktimat janë, gjashtë në Shkup, pesë në Tetovë, nga dy në Veles dhe Bogdanci, si dhe nga një në Manastir, Prilep, Radovish, Ohër dhe Shtip. Marrë paraysh shifrat e fundit, numri i përgjithshëm i atyre që kanë humbur betejën me COVID-19 ka arritur në 1,025, që paraqet bilancin më të rëndë që nga paraqitja e pandemisë në muajin shkurt. Por, shifrat e larta të të vdekurve kanë shkaktuar reagime në opinion... Читать дальше...

Misionit të udhëhequr nga NATO-ja në Kosovë, (KFOR), të hënën i është bashkuar kontingjenti i 27-të nga Maqedonia e Veriut. Përmes një njoftimi për media është bërë e ditur se 44 trupa nga kazerma “Kuzman Josifovski – Pitu” në Tetovë, të udhëhequr nga kapiteni Hristijan Dimchevski, do të shërbejnë me qendër në Pejë. “Detyrat e tyre do të përfshijnë patrullimin, sigurimin e Manastirit të Deçanit dhe ruajtjen e kampit ‘Villaggio Italia’ së bashku me kolegët e tyre italianë dhe moldavë. Elementë... Читать дальше...

Ligji për përgjegjësinë disiplinore për gjykatës dhe prokurorë nuk po gjen zbatim në praktikë, thonë në Institutin e Kosovës për Drejtësi [IKD]. Kurse në Këshillin Gjyqësor të Kosovës thonë se në bazë të ligjit po veprohet me procedurat disiplinore për gjyqtarët dhe prokurorët. Drejtori ekzekutiv i IKD-së, Ehat Miftaraj, tha për Radion Evropa e Lirë, se edhe pse ligji është i avancuar, ai nuk po zbatohet në praktikë. Miftaraj thekson se nga monitorimet e bëra lidhur me ligjin në fjalë, rezulton se ai qëllimisht nuk zbatohet. Читать дальше...

Autoritetet ushtarake në rajonin e Nagorno Karabakut ka thënë se 11 ushtarë shtesë kanë vdekur në luftimet me forcat e Azerbajxhanit, pavarësisht armëpushimit të ndërmjetësuar nga Shtetet e Bashkuara. Sipas një liste të publikuar nga shërbimi për media i ushtrisë, në mesin e personave të vdekur është edhe zëvendës-komandanti i Ushtrisë së Mbrojtjes së Nagorno-Karabakut, Artur Sarkisian. Numri i viktimave në këtë rajon ka shkuar në 1,177 prej kur kanë shpërthyer përleshjet më 27 shtator, ka thënë ushtria. Читать дальше...

Ligjvënësi rus, Vladimir Zhirinovsky, ishte mikpritës i një ndeje me shampanjë në Parlamentin rus, kur më 2016, Donald Trump u zgjodh president i Shteteve të Bashkuara. Ceremonia u organizua për të festuar fitoren e papritur të manjatit të pasurive të patundshme. "Për një politikë të re të brendshme dhe të jashtme në SHBA!", deklaroi Zhirinovsky, një nacionalist dhe aleat i vjetër i presidentit rus, Vladimir Putin, duke ngrehur dolli me zyrtarët në Moskë. "Dhe për një përmirësim të shpejtë të marrëdhënieve SHBA-Rusi!"... Читать дальше...

Kërkesat për njohje të ndërsjellë mes Kosovës dhe Serbisë janë të pakuptimta, ka deklaruar presidenti i Serbisë, Aleksandar Vuçiq, pas takimit të Qeverisë së re në Beograd. Pas seancës së 2 nëntorit, ku mori pjesë si kryetar i shtetit, ai tha se njohja e ndërsjellë nuk është një çështje që Serbia do ta diskutojë ndonjëherë dhe përsëriti se Prishtina është e obliguar të përmbushë detyrimet e saj nga Marrëveshja e Brukselit, e cila së pari përfshin formimin e Asociacionit të komunave me shumicë serbe. Читать дальше...

Përfaqësuesi i lartë i Bashkimit Evropian për Politikë të Jashtme dhe Siguri, Josep Borrell, e konsideron të papranueshme kërkesën e presidentit të Kosovës, Hashim Thaçi, për ndryshime kushtetuese në lidhje me zgjatjen e mandatit të Dhomave të Specializuara dhe Zyrës së Prokurorit të Specializuar në Hagë. Qëndrimin e tij, Borrell e ka shprehur në përgjigjjen që u ka dërguar Dhomave të Specializuara të Gjykatës Kushtetuese të Kosovës, me seli në Hagë, e cila po punon për mbledhjen e dokumentacionit... Читать дальше...

Shaip Kamberi, deputet në Kuvendin e Serbisë nga lista “Alternativa Demokratike e Shqiptarëve - Lugina e Bashkuar” (DAAUD), thotë se ai nuk ka pritur se do të ketë reagime me nervozë nga udhëheqja e shtetit ndaj deklaratave të tij lidhur me krimet e luftës. Në një intervistë për Radion Evropa e Lirë, Kamberi vlerësoi që është normë minimale e civilizimit që shteti të ketë detyrim moral dhe politik, që në procesin e integrimeve evropiane, të hedhë dritë mbi rastet e varrezave masive dhe që ndaj kësaj çështjeje të mbajë qëndrim të civilizuar. Читать дальше...

Masat e reja kufizuese të marra nga autoritetet e Kosovës, me qëllim të frenimit të koronavirusit, kanë prekur edhe sektorin e gastronomisë, duke ia ndaluar aktivitetin nga ora 21:00 deri në 05:00 të mëngjesit. Duke komentuar këto masa, Petrit Kllokoqi, nga Shoqata e Gastronomëve të Kosovës, ka kërkuar nga Ministrja e Financave, Hykmete Bajrami që të formojë Komitetin për COVID-19, për fushën e ekonomisë. “Njëjtë sa kemi vdekje nga COVID-19, njëjtë kemi vdekje ekonomike në vendin tonë”, ka thënë ai. Читать дальше...

Në Maqedoninë e Veriut, pacientët e diagnostikuar me sëmundjen COVID-19, e të cilët po shërohen në shtëpi, thotë se po ballafaqohen me vështirësi gjatë komunikimit me mjekun familjar, pasi një gjë e tillë është e lejuar vetëm përmes telefonit. Njëra ndër to është Sashka T., 33-vjeçare, e cila për Radion Evropa e Lirë tregon se i është dashur të presë tetë ditë pasi i janë shfaqur simptomat për t’u testuar për koronavirus. Pas marrjes së rezultatit pozitiv, ajo gjendet në shtëpi dhe po komunikon... Читать дальше...

Kosovës të hënën i janë​ shtuar 486 raste të​ reja me koronavirus, pas marrjes së​ 1,374 mostrave. Instituti Kombëtar i Shëndetit Publik (IKSHPK) ka njoftuar se brenda 24 orëve janë regjistruar nëntë viktima. Sipas të dhënave të këtij Instituti të hënën janë regjistruar edhe 30 raste që kanë mposhtur virusin, derisa raste aktive aktualisht janë 4,317. Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 20,655 të prekur nga sëmundja Covid-19, që shkakton koronavirusi. Читать дальше...

Ministri i Shëndetësisë në Kosovë, Armend Zemaj dhe drejtori i Institutit Kombëtar të Shëndetësisë Publike në Kosovë, Naser Ramadani, kanë thënë të hënën se situata epidemiologjike, si pasojë e pandemisë së koronavirusit, është serioze dhe ka mundësi të përkeqësimit. Në një komunikatë për media të kryeministrisë, është thënë se në shifrat e fundit të të infektuarve në Kosovë tregojnë se aktualisht janë 120 persona të infektuar me koronavirus në 100,000 banorë. Aty është thënë edhe se nuk përjashtohet... Читать дальше...

Kuvendi i Kosovës ka diskutuar përgjatë seancës të së hënës lidhur me problemet e banorëve shqiptarë në veri të Kosovës, përkatësisht rreth pengesave që u bëhen këtyre banorëve për t’u kthyer në pronat e tyre dhe problemet për renovimin e shtëpive të djegura që nga përfundimi i luftës. Deputetët kanë diskutuar edhe çështjen për blerjen e pronave të shqiptarëve nga serbët me, siç u tha, “ndihmën e Qeverisë së Serbisë”. Deputetja Valdete Idrizi nga Partia Demokratike e Kosovës, e cila vjen nga Mitrovica e Veriut... Читать дальше...

Ministria e Brendshme e Bjellorusisë tha se rreth 300 vetë u arrestuan të dielën në Minsk, në protestat kundër udhëheqësit të këtij vendi, Alyaksandr Lukashenka. Ministria tha të hënën se zyrtarët e zbatimit të ligjit kanë përdorur granata tymi dhe plumba gome për të shpërndarë mijëra protestues. “Rreth 300 vetë u arrestuan në Minsk dhe në rajonin e Minskut për shkelje të ligjeve për tubimet masive”, tha ministria në kanalin e saj në Telegram. Katër gazetarë janë në mesin e të arrestuarve, dy prej të cilëve “janë rrahur rëndë”... Читать дальше...

Besimtarët e huaj myslimanë janë lejuar të shkojnë në Arabinë Saudite për të kryer Umrën, tetë muaj pasi ajo ishte pezulluar për shkak të pandemisë së koronavirusit. Umra është një ritual që myslimanët mund ta kryejnë në çdo kohë të vitit. Nisur nga 1 nëntori, rreth 20,000 besimtarë myslimanë do të lejohen të hynë në Xhaminë e Madhe në Mekë. Besimtarët duhet të respektojnë masa të rrepta kundër koronavirusit, përpara se të kryejnë ritualin, përfshirë edhe vetizolimin për tre ditë pas mbërritjes në Arabinë Saudite. Читать дальше...

A do të ndërprisnit studimet për shkak të reagimeve të rrethit lidhur me zgjedhjen tuaj se çfarë do të studioni, ose do të vazhdonit studimet pavarësisht komenteve negative? Si do ta vepronit, me atë që ballafaqohen çdo vit rreth dhjetë studentë të Gjuhës Shqipe, që studiojnë në Fakultetin e Filologjisë në Beograd?

Kryeministri i Kosovës, Avdullah Hoti, kërkoi që Bosnje e Hercegovina t’i heqë vizat për shtetasit e Kosovës. Hoti e parashtroi këtë kërkesë gjatë një bisede telefonike që zhvilloi me kryesuesin e Presidencës së Bosnje e Hercegovinës, Shefik Xhaferoviq. Në një komunikatë të lëshuar nga Zyra e Kryeministrit thuhet se Hoti po ashtu shprehu gatishmërinë e Qeverisë së Kosovës për hapjen e Zyrave Ndërlidhëse midis dy vendeve. “Kryeministri Hoti e ka falënderuar z. Xhaferoviq për nismën e tij për... Читать дальше...

Presidenti i Kosovës, Hashim Thaçi, tha se dialogu ndërmjet Kosovës dhe Serbisë, që ndërmjetësohet nga Bashkimi Evropian, do të jetë i pakuptimtë nëse nuk e trajton çështjen e njohjes reciproke. “Kam theksuar edhe më herët, ky dialog ka kuptim nëse propozimi për njohje reciproke hidhet në tavolinë. Përndryshe, është krejt i pakuptimtë, krejt i panevojshëm dhe është i dështuar. Është në favor të Serbisë si i tillë që po zhvillohet”, tha Thaçi për mediat, pasi bëri homazhe me rastin e 31-vjetorit të rënies së heronjve të kombit... Читать дальше...

Luftimet në Nagorno Karabak, protestat në Bjellorusi, zgjedhjet në kohë pandemie në disa shtete si dhe ngjarjet e tjera që kanë karakterizuar javën që lamë pas, janë pasqyruar përmes kësaj fotogalerie.

Numri i viktimave nga tërmeti në Turqi arriti të hënën në 79. Tërmeti ka goditur të premten, duke dridhur edhe pjesë të Greqisë. Autoritetet turke thanë se 79 vetë kanë vdekur - që të gjithë në qytetin e Izmirit. Përpjekjet e kërkim-shpëtimit janë duke vazhduar edhe në tetë ndërtesa banimi në Izmir. Autoriteti për Sëmundje dhe Emergjenca i Turqisë tha se mbi 960 njerëz janë plagosur në tërmet. Mbi 740 prej tyre tashmë janë liruar nga spitalet. Tërmeti i së premtes, sipas institutit turk Kandilli... Читать дальше...

Tanke T-72 do të arrijnë nga Rusia në Serbi, konfirmoi ministri serb i Mbrojtjes, Nebojsha Stefanoviq. “Tridhjetë tanke moderne T-72 duhet të arrijnë si pjesë e marrëveshjes Vuçiq-Putin, të arritur në Soçi. Ato do t’i forcojnë ndjeshëm aftësitë tona ushtarake”, tha Stefanoviq për mediat në Beograd. Ai po ashtu tha se, në të ardhmen, do të punohet për pajisjen e njësive speciale dhe të zbulimit. Mediat kanë raportuar se tanket e para nga donacioni rus kanë arritur në Serbi më 28 tetor. Donacioni... Читать дальше...

Me vetëm edhe një ditë deri në zgjedhje, dy kandidatët për president të Shteteve të Bashkuara, Donald Trump dhe Joe Biden, po bëjnë përpjekje t’i bindin votuesit e pavendosur. Numri i madh i votave të hereshme - mbi 90 milionë, apo rreth 65 për qind e pjesëmarrjes totale në zgjedhjet e vitit 2016 - pasqyron një interesim të madh për garën, në një vend thellësisht të ndarë. Sondazhet e opinionit e nxjerrin Bidenin përpara Trumpit në nivel kombëtar me së paku 8 për qind, por ai ka një avantazh më të ngushtë në disa shtete... Читать дальше...

Ish-kontraktori i Agjencisë për Siguri Kombëtare të SHBA-së, Edward Snowden, tha se do të aplikojë për shtetësinë ruse, porse do ta mbajë edhe atë amerikane. Snowden jeton në Rusi qysh në vitin 2013, kur edhe ka zbuluar detaje për programin sekret të SHBA-së për mbikëqyrje elektronike. Në tetor, atij i është dhënë leja e përhershme e qëndrimit nga Qeveria ruse. “Pas disa vitesh ndarjeje nga prindërit tanë, gruaja ime dhe unë nuk kemi dëshirë të ndahemi nga djali ynë”, shkroi Snowden në Twitter. Читать дальше...