LDK-ja pret numërimin e votave
Ardita Dushi tha se LDK-ja pret përgjegjësi nga personat që do të numërojnë votat.
"Ne jemi në pritje të numërimit te votave në të gjitha komunat dhe në të gjitha qendrat e votimit", tha Dushi.
Dushi theksoi po ashtu se pas përfundimit të procesit të numërimit të votave, LDK do të dalë me qëndrimin e saj për mbarëvajtjen e procesit të votimit.
Komisioni Qendror i Zgjedhjeve ka nisur publikimin e rezultateve preliminare në ueb-faqen e saj.
Të drejtë vote në zgjedhjet e parakohshme parlamentare të 14 shkurtit kishin 1.794.862 qytetarë.
Dalja në zgjedhje ishte 47 për qind.
Në 38 komunat e Kosovës, qytetarët mundën të votojnë në 888 qendra të votimit, me 2.382 vendvotimet.
Ata mund të votojnë në 888 qendra të votimit, që kanë 2.382 vendvotime në 38 komunat e Kosovës.
Këtë vit, KQZ-ja ka larguar nga lista e votuesve rreth 122.000 persona, të cilët kanë qenë të regjistruar vetëm me dokumente të UNMIK-ut.
Në këto zgjedhjet është thënë se do të lejohet votimi vetëm me dokumente të Kosovës. KQZ-ja po ashtu ka lejuar të votojnë edhe qytetarët, të cilët kanë pasur letërnjoftim me afat të skaduar.
*Për të gjitha zhvillimet rreth zgjedhjeve në Kosovë, mund të informoheni përmes LIVE BLOG-ut tonë.