Овозхони маъруфи узбек Ортиқ Отаҷонов даргузашт
Дар Узбекистон дар синни 72-солагӣ овозхони маъруфи даврони шӯравӣ Ортиқ Отаҷонов даргузашт. Ба навиштаи матбуот, ҷанозаи ҳунарманди номӣ рӯзи 17 май дар оромгоҳи Саид Ваққосотаи маҳаллаи Уриқзори Тошканд ба хок супурда мешавад.
Ортиқ Отаҷонов, ки дар Тоҷикистон ҳам ҳаводори зиёд дошт, зодаи вилояти Хоразм буда, замони шӯравӣ раҳбарии ансамбли маъруфи ҳунарии “Лазгӣ”-ро ба ӯҳда дошт. Ӯ унвони ҳунарпешаи мардумии Узбекистон, Туркманистон ва Қароқалпоқистонро дошт.
Отаҷонов дар як радда бо овозхонҳои дигари маъруфи узбек мисли Шералӣ Ҷӯраев, Муноҷот Йӯлчиева, Ғуломҷон Ёқубов борҳо бо консертҳои ҳунарӣ ба Тоҷикистон рафтааст.