Новости за 17.05.2019

Анҷумани муҳоҷирони Осиёи Марказӣ, як созмони ҳомии ҳуқуқ дар Аврупо мегӯяд, мақомоти интизомии Русия як узви собиқи Ҳизби мамнуи наҳзати исломиро дар Маскав боздошт кардаанд.

Хабарнигори Радиои Озодӣ ба деҳаи Алмосӣ дар ноҳияи Ҳисор ба суроғи Абдуҷалил Олимов, осиёббоне рафт, ки солҳост, мардуми деҳаро бо орди худӣ таъмин мекунад.

Камчин шудани доллар дар бозори асъори Душанбе сабаб шудааст, ки соҳибкорон аз шаб барои хариди доллар дар назди бонкҳо навбат бигиранд.

Эмомалӣ Раҳмон, раиси ҷумҳури Тоҷикистон гуфтааст, ки "террорист террорист аст ва ӯ ҳеҷ гоҳ "худӣ" ва "бегона", "ислоҳотхоҳ"-у "тундгаро" ва "нек"-у "бад" буда наметавонад.

Кумитаи миллии олимпии Тоҷикистон мегӯяд, ҳамаи иштирокдорони Чемпионати ҷаҳон дар риштаи футбол миёни наврасон - “U-17” муайян шуданд

То 1 июни соли равон бояд се шиногоҳи соҳили дарёи Сир пурра омода гардида, мавриди истифода қарор дода шавад

Додгоҳи вилояти Суғд 8 маъмури зиндони шаҳри Хуҷандро барои саҳлангорӣ ва роҳ додан ба ошӯби маргбор дар ин зиндон ба зиндон маҳкум кардааст.

Филмсозони Тоҷикистону Қирғизистон бо таҳияи як филми ҳунарии муштарак паём медиҳанд, ки мардуми ду кишвар аксаран қурбони иғво ва хушунате мешаванд, ки афроди сабуксар роҳандозӣ мекунанд,

Ширкати букмекерии “Формула-55” варзишгари маъруф, узви дастаи мунтахаби Тоҷикистон дар риштаи ҷудо, Беҳрӯз Хоҷазодаро бо 50 ҳазор сомонӣ қадрдонӣ кардааст

Конфронси байналмилалӣ бахшида ба мубориза бо терроризм дар Душанбе, боздошти се тоҷик бо иттиҳоми дастгирии молии терроризм дар Русия, садамаи крани борбардор дар Душанбе, гармшавии бозори мошин дар Тоҷикистон ва матолиби дигар.

Вазири хориҷаи Эрон Муҳаммад Ҷавод Зариф аз Чину Русия ва дигар “шарикон” тақозо кард, ки ба хотири ҳифзи созиши ҳастаии соли 2015, ки онро соли пеш ИМА тарк карда буд, аз “иқдоми мушаххас” кор бигиранд. Зариф ин ҳарфҳоро субҳи 17 май дар Пекин ироа кард. Ҷавод Зариф бо ҳадафи дидору гуфтугӯ бо Ван И, вазири хориҷаи Чин ба Пекин сафар кардааст. Чин яке аз кишварҳои имзокарда зери созиши ҳастаӣ бо Эрон мебошад, ки аз Теҳрон шадидан маҳдуд кардани фаъолиятҳои ҳастаӣ бар ивази озодӣ аз таҳримҳоро ваъда медиҳад. Читать дальше...

Додгоҳе дар шаҳри Душанбе як ҷавони тоҷикро барои тамаъҷӯӣ аз хоҳараш ба 10 соли зиндон маҳкум кардааст, ҳарчанд худаш гуфтааст, ки бегуноҳ аст. Додгоҳи ноҳияи Исмоили Сомонӣ рӯзи 17-уми апрел хабар дод, ки муҳокимаи Фаридун Сангов, сокини шаҳри Душанбе рӯзи 17-уми апрел содир шуд ва ӯ 10 соли умрашро бояд дар зиндони низомаш сахт сипарӣ кунад. Ба гуфтаи додгоҳ, Фаридун Сангов аз хоҳараш, ки соли 2011 бо мусоидати ӯ бо марди арабе дар Дубай издивоҷ кардааст, пайваста пул талаб карда ва таҳдид мекардааст... Читать дальше...

Дар Узбекистон дар синни 72-солагӣ овозхони маъруфи даврони шӯравӣ Ортиқ Отаҷонов даргузашт. Ба навиштаи матбуот, ҷанозаи ҳунарманди номӣ рӯзи 17 май дар оромгоҳи Саид Ваққосотаи маҳаллаи Уриқзори Тошканд ба хок супурда мешавад. Ортиқ Отаҷонов, ки дар Тоҷикистон ҳам ҳаводори зиёд дошт, зодаи вилояти Хоразм буда, замони шӯравӣ раҳбарии ансамбли маъруфи ҳунарии “Лазгӣ”-ро ба ӯҳда дошт. Ӯ унвони ҳунарпешаи мардумии Узбекистон, Туркманистон ва Қароқалпоқистонро дошт. Отаҷонов дар як радда бо овозхонҳои дигари маъруфи узбек мисли Шералӣ Ҷӯраев... Читать дальше...

Мақомоти Оҷонсии беҳдошти замин ва обёрии Тоҷикистон мегӯянд, саркашии деҳқонон аз пардохти пули хизматрасониҳои обрасонӣ ва ҳаққи нерӯӣ, барқ боиси даҳҳо миллион сомонӣ қарзи ин ниҳод дар назди дигар идораҳо шудааст.

Вазорати умури хориҷии Афғонистон мегӯяд, раиси ҷумҳур Эмомалӣ Раҳмон ваъда додааст, ки 80 зиндонии афғонро барои адои ҳукм ба кишварашон мефиристад.

Дар паи тарки эътилофи калидии парлумони Украина кардани ҳизби Фронти халқӣ, ба гуфтаи раиси маҷлис Андрей Парубий, ин эътилоф пароканда шуд. Дар бораи тарки эътилофи муҳими парлумонӣ карданаш рӯзи 17 май раҳбари Фронти халқӣ Максим Бурбак изҳорот дод. Ин тасмим се рӯз пеш аз баргузории маросими савгандёдкунии президенти тозаинтихоб Владимир Зеленский дар парлумони Украина гирифта шуд. Бар асоси конститутсия, парлумон ҳоло 30 рӯз фурсат дорад, ки эътилофи нави ҳукуматиро таъсис диҳад. Дар сурати таъхир дар таъсиси эътилофи нав... Читать дальше...

Шӯрои Аврупо, ки барои таҷлили 70-солагии таъсиси ин ниҳоди ҳомии ҳуқуқи башар дар Финляндия ташкили ҷаласа мекунад, равобит бо Русияро дар маркази таваҷҷӯҳи худ қарор додааст. Барои ширкат дар ҷаласаи дурӯза дар Ҳелсинки рӯзи 16 май беш аз 30 вазири хориҷаи қораи Аврупо ҷамъ шудаанд. Ҷаласа дар Кохи таърихиву рамзии «Финляндия» ташкил шудааст, ки соли 1975 дар пушти деворҳои он санади муҳим ба имзо расида буд. Ин замоне буд, ки Аврупо ва Ғарб талош доштанд танишҳои эҷодшуда дар паи Ҷанги Сардро фурӯ нишонанд. Читать дальше...

Сергей Шойгу, вазири дифои Русия авохири моҳи равон бо сафари корӣ ба Тоҷикистон меояд. Вазорати дифои Тоҷикистон гуфтааст, ки интизор меравад оқои Шойгу бо Шералӣ Мирзо, вазири дифои Тоҷикистон дидору гуфтугӯ намояд. Бархе расонаҳои русӣ қаблан навиштаанд, ки интизор меравад, ки Сергей Шойгу бо Эмомалӣ Раҳмон, раиси ҷумҳури Тоҷикистон, низ дидору гуфтугӯ дошта бошад. Аммо ин хабар то ба ҳол ба таври расмӣ таъйид нашудааст. Ба навиштаи хабаргузориҳои русӣ, сафари вазири дифои Русия дар даҳаи... Читать дальше...

Баъди шикояти вакилони амрикоӣ аз бехабарӣ аз ҳаракатҳои ахири артиши Иёлоти Муттаҳида дар Ховари Миёна, ба гуруҳе аз вакилони бонуфуз дар ин бора иттило додаанд.

Вазири хориҷаи Чин Ван И бо як сафари корӣ дар охири моҳи май аз Тоҷикистон дидан мекунад. Рӯзи 17 май  дар як нишасти хабарии вазорати хориҷаи Чин намояндаи расмии ин ниҳод Лу Кан хабар дод, ки раҳбари сиёсати хориҷии кишвар қарор аст дар охири моҳи ҷорӣ аз чанд кишвар, аз ҷумла Озарбойҷон, Арманистон, Гурҷистон, Қирғизистон ва Тоҷикистон дидан кунад. Дар ин бора оҷонсии русии ТАСС хабар медиҳад. Лу Кан гуфт, ки сафари вазир Ван Ин дар таърихи 24 то 27 май «бо даъвати вазоратҳои хориҷии ин кишварҳо сурат мегирад». Читать дальше...

Дар паи як ҳамлаи ҳавоӣ дар ҷараёни задухӯрдҳои нирӯҳои ҳукуматӣ ва Толибон дар Ҳилманд  ба  таври иштибоҳӣ 9 афсари полиси маҳаллӣ, аз ҷумла фармондеҳи онҳо   кушта шуданд. Дар ин бора рӯзи 17 май мақомоти Афғонистон изҳорот доданд. Онҳо гуфтанд, ки дар ҳамлаи ҳавоии  ноҳияи Наҳри Сароқ рӯзи 16 май, ки дар беруни маркази вилоят шаҳри Лашкаргоҳ ҷойгир аст,  инчунин 14 афсар маҷрӯҳ шуданд.   Раиси вилояти   Ҳилманд Муҳаммад Ёсин гуфт, ки ин ҳодиса таҳқиқ мешавад. Сухангӯи ӯ Умар Звак гуфт, ки... Читать дальше...

Раисиҷумҳури Қирғизистон бори дигар нишон дод, ки ҳукумат дар ин кишвар ба афкори ҷомеа арҷ мегузорад ва мансабдорони давлатиро қарздори мардум ё андозсупорандагон мешуморад.

Барои нахустин бор дар қораи Осиё қонунгузорони Тайван тарҳи қонунеро қабул карданд, ки издивоҷи ҳамҷинсгароҳоро иҷоза медиҳад. Субҳи 17 май дар пушти бинои парлумон ҳазорҳо ҳомиёни ҳуқуқи ҳамҷинсгароҳо ҷамъ омада интизори қабули қонуни нав буданд. Тсай Инвен, президенти Тайван дар саҳифаи худ дар Твиттер навишт: «Имрӯз мо шонси тағйир додани таърихро дорем ва метавонем аз ин роҳ ба ҷаҳон  намоиш бидиҳем, ки чӣ гуна дар ҷамъияти шарқи Осиё арзишҳои пешрафта реша медавонанд». Қабули қонун баъди баррасиҳои бисёрсола имконпазир шуд. Читать дальше...

Вазорати умури дохилии Тоҷикистон ҳуввияти фардеро, ки ба фурӯхтани наздик ба 90 билети қалбакии ҳавопаймо муттаҳам мешавад, эълон кард.

Эмомалӣ Раҳмон, раиси ҷумҳури Тоҷикистон гуфтааст, ки "террорист террорист аст ва ӯ ҳеҷ гоҳ "худӣ" ва "бегона", "ислоҳотхоҳ"-у "тундгаро" ва "нек"-у "бад" буда наметавонад.