Новости за 30.05.2018

Порлумони Тоҷикистон барои қолинҳои воридотӣ ва баъзе маҳсулоти пластикӣ аксиз таъйин кард, ки метавонад, сабаби боло рафтани қимати ин навъи маҳсулот шавад. Аксиз як навъи молиёт аст, ки барои маҳсулоти серистистифода дар байни мардум таъйин мекунанд. Маҷлиси намояндагон рӯзи 25-уми май ислоҳот ҷиҳати таъйини аксизро ба Кодекси андоз ворид кард ва гуфт, ки ҳадаф аз ин кор аз ҷумла дастгирии ширкатҳои дохилиест, ки айни молҳоро тавлид мекунанд. Толибхон Азимзода, вакили парлумон дар шарҳи қарор гуфтааст... Читать дальше...

Саидъазам ва Саидумар Маҳмудовҳо, ду бародарон дар шаҳри Кӯлоб, бо ҷурми куштори барқасдонаи Бахтиёр Раҷабов – сокини маҳаллаи Чармгарони Поён – аз 9 то 18 сол зиндонӣ шуданд. Ҳукми Додгоҳи Кӯлоб ҳафтаи гузашта содир гардид ва нусхааш рӯзи 30-юми май ба дасти мо расид. Бино ба ҳукми додгоҳ, Саидаъзам Маҳмудов ба 18 сол зиндони низомаш шадид маҳкум шудааст. Додараш Саидумар Маҳмудов нуҳ соли умрро дар муассисаи ислоҳии низомаш умумӣ сипарӣ хоҳад кард. Ин ду бародар шаби 19-уми феврали имсол, вақте... Читать дальше...

Як санҷиши мақомоти марбутаи Тоҷикистон дар қаҳвахонаву тарабхона ва нуқтаҳои хӯроки умуми Душанбе муайян кардааст, ки дар аксари чунин нуқтаҳо бар хилофи қонун аз маҳсулоти тамоку истифода мешавад.

Департаменти давлатии Амрико дар "Гузориши байналмилалӣ оид ба озодии дин дар соли 2017" Тоҷикистонро ба қатори "кишварҳои мавриди нигаронии хос" шомил кардааст.

Журналистон гуфтанд, ки чаро мансабдорон аз шӯҳрат метарсанд

Ҳайати Сандуқи Байналмилалии Пул баъди арзёбии вазъи феълӣ ва дурнамои иқтисоди Тоҷикистон гуфтааст, ки ҳукуматро мебояд, барои барқарор кардани боварӣ ба бонкҳои "бемор"-и кишвар чораҳои бештар биандешад.

Порлумони Тоҷикистон созишномаи наверо тасвиб кард, ки убуру мурури сарбозон ва интиқоли таҷҳизоти ҳарбӣ аз манотиқи кишвар тавассути қаламрави Узбекистонро осон мекунад. Ин созишнома рӯзи 30-юми май қабул шуд. Эмомалӣ Собирзода, муовини аввали вазири дифои Тоҷикистон, гуфт, дар гузашта мақомот барои интиқоли як вагон сарбоз бо сохторҳои Узбекистон музокирот карда, иҷоза мегирифт. "Ҳоло ин зарурат аз байн рафт", - афзуд ӯ. Ба қавли муовини аввали вазири дифоъ, дар ҳолати изтирорӣ теъдоди зиёди... Читать дальше...

Як санҷиши мақомоти марбутаи Тоҷикистон дар қаҳвахонаву тарабхона ва нуқтаҳои хӯроки умуми Душанбе муайян кардааст, ки дар аксари чунин нуқтаҳо бар хилофи қонун аз маҳсулоти тамоку истифода мешавад.

Додситонии кулли Тоҷикистон ба таҳқиқи дубораи парвандаи марги Азизмад Юсупов, сардори Ситоди ҳолатҳои фавқулода дар шаҳри Кӯлоб оғоз кардааст.

Дастаҳои «Орзу-2026»-и Академияи футболи ФФТ (Федератсияи футболи Тоҷикистон) ва «Истиқлол»-и Душанбе дар мусобиқаи қаҳрамонии Тоҷикистон миёни наврасони то 18-сола пешсафанд. Ҳарду даста аз рӯи натиҷагирии се даври мусобиқа 9-имтиёзӣ доранд.

Мақомоти Туркия пас аз таҳқиқи беш аз думоҳаи ду узви фаъоли "Гурӯҳи 24", яке аз онҳоро (Насим Шарифов) раҳо кард. Насим Шарифов ва Сӯҳроби Зафар 19-уми марти соли ҷорӣ дар Истанбул боздошт шуда буданд. Дар пайи ин боздошт, Тоҷикистон барои истирдоди Суҳроби Зафар (Суҳроб Тӯраев) ва Насим Шарипов ба мақомоти Туркия дархост фиристод буд. Як фаъоли “Гурӯҳи 24” бидуни овардани номаш рӯзи чаҳоршанбеи 30-юми май ба Радиои Озодӣ гуфт, мақомоти Туркия пас аз санҷиши ҳамаҷониба думоҳа Насим Шарифовро аз боздоштгоҳи тафтишотӣ озод намуданд. Читать дальше...

Барои бунёди бинои нави Донишкадаи исломии Тоҷикистон ба номи Имоми Аъзам Абуҳанифа дар шафати "Масҷиди калон", ки ҳамакнун бо сармояи Қатар сохтмони он ҷараён дорад, замин ҷудо карда шудааст. Раиси ҷумҳури Тоҷикистон Эмомалӣ Раҳмон рӯзи чаҳоршанбеи 30-юми май бо гузоштани санги асос ба бунёди бинои нав оғоз бахшид. Дафтари матбуоти президенти Тоҷикистон рӯзи чаҳоршанбе ба Радиои Озодӣ гуфт, бинои ин муассисаи олии таълимӣ аз 5 қисм иборат буда, барои 1500 донишҷӯ дар як баст пешбинӣ гардидааст. Читать дальше...

Мақомоти интизомӣ дар Украина мегӯянд, ки Аркадий Бабченко, рӯзноманигори рус, ки бинобар "таҳдидҳои сиёсӣ" аз ватанаш гурехта буд, дар шаҳри Киев кушта шудааст.

Баъзе аз овозхонҳои тоҷик аз вуҷуди саҳифаҳои тақаллубӣ бо номи онҳо дар шабакаҳои иҷтимоӣ, аз ҷумла Фейсбук нигаронӣ доранд.